Sámiráđi doaimmat

Olmmošvuoigatvuohtagažaldagat leat ráđi doaimmain guovddážis ja daid áššiid Sámiráđđi lea ovddedan earenoamážit Ovttastuvvan Nášuvnnain. Ráđđi atná dehálažžan ovddidit sihke sámiid ja eará eamiálbmogiid gelbbolašvuođa olmmošvuoigatvuođa áššiiguin. Sámiráđđi ON:s erenoamážit eamiálbmotjulggaštusain ja Eamiálbmotáššiid Bissovaš Forumiin.

Árktalaš oktavuođain Sámiráđđi doalaha ovttasbarggu Davvi guovllu eamiálbmogiiguin ja lea mielde Arktalaš Ráđi doaimmain. Sámiráđi ulbmilin lea buoridit eamiálbmogiid sajádaga ja diliid Árktalaš guovlluin ja Sámiráđđi lea geahččalan bargat nu, ahte Árktalaš Ráđi ministtarkonferenssain livčče eamiálbmogiid dilli ovdan. Biras- ja dearvvasvuohtaáššiin ráđđi joatká oktasašbarggu ee.  WHO:in ja UNEP:in. Sámiráđđi vuoruha maid Ruošša eamiálbmogiid máhtolašvuođa ovddideami.

Sámi kulturdoaibma ja kulturlávdegoddi gullet dál kulturossodaga vuollái. Kulturossodaga ulbmilin lea ovddidit sámi kultuvrra ja lasihit dieđu dan birra ja nugo ovdalge de leat kulturdoarjagiid juohkin ja hálddašeapmi sihke girjjálašvuođa ovddideapmi. Kulturpolitihkalaš plána čuovvun joatkašuvai ja ráđđi lea bivdán Sámi parlamentaralaš ráđi guorrasit áššái. Kulturdimenšuvdnna beavttálmahttin konkretiserejuvvui ja ráhkaduvvui kulturpoltihkalaš višuvdnaplána ja doaibmabijuid plána.

Sámiráđđi lea atnán dehálažžan nannet NGO:id ja Sámi Parlamentáralaš Ráđi (SPR) oktasašbarggu.