Sámi
kulturárbi-temávahkku 27.-31.10.2008 Roavvenjárggas
Sámi kulturárbi -temávahkku Roavvenjárggas lihkostuvai
bures
Sámi
kulturárbevahkkui 27.-31.10.2008 Roavvenjárgii čoahkkanedje sullii 430 guossi
miehtá Sámi ja maiddái guhkkeleabbos. Áššedovdiseminára 27.-28.10.2008
sáhkavuoruin čohkkejuvvo giehtagirji eamiálbmogiid immateriala vuoigatvuođaid
birra ovttasrádiin Árktalaš guovddážiin.
Sámiid 19.
konfereansa, mii dollui 29.-31.10.2008 Roavvenjárggas, dagai maŋggaid dehalaš
mearrádusaid. Konfereansa dohkkehii ee. Roavvenjárgga julggáštusa ja cealkámuša
sámekonvenšuvnna birra.
Roavvenjárgga julggáštus gáibida suoji
kulturárbái
Sámiid 19. konfereanssas 29.-31.10.2008
dohkkehuvvui Roavvenjárgga julggástus, mas gáibiduvvo sápmelaččaid kulturárbái
gievrras suoji. Julggástusas deattuhuvvo, ahte sámiin lea vuoigatvuohta
oamastit, hálddašit ja ovddidit kulturárbbis.
Elsa
Laula Renberga riegádanbeaivvis 29.11. sámi
levgenbeaivi
Sámiid 19. konfereansa gieđahalai
evttohusa, ahte
Elsa Laula Renberga riegadánbeaivi 29.11. šaddá sámi
levgenbeaivin ja sáddii ášši
Sámi nášuvnnalaš symbolat -lávdegoddái.
Álgaga ođđa leavgabeaivvi birra lei buktán
SNF-Sámi Nisson Forum, guhte bivddii gudnejahttit Elsa Laula Renberga barggu ja
bidjat su riegádanbeaivvi 29.11 leavgabeaivin. Elsa Laula Renberg vuolggahii jurdaga lágidit
stuorra sámečoahkkima Troanddimis 6.2.1917, ja dat
leage Sámi álbmotbeaivvi duogážin.
Stáhtat geatnegahtton ratifiseret Sámekonvenšuvnna
stajitkeahttá
Sámekonfereansa lea vuorrástuvvan go Suopma, Norga ja
Ruoŧŧa eai leat bastán maidege dahkat Sámekonvenšuvnna evttohussii, vaikko dat
lea álmmuhuvvon juo golbma jagi dassái. Sámekonfereansa lea earenomážit
vuorrástuvván go Suopma lea aiddo báliid cealkán ahte plánejit geassádit
proseassas, mas mihttun lea ratifiseret
Sámekonvenšuvnna.
Sámiid 19. konfereansa ávžžuha Suoma ain joatkit
Sámekonvenšuvdnaproseassas. Sámekonfereansa cealká ahte Norgga, Ruoŧa ja Suoma
ráđđehusat ja Sámedikkit galget dalán nammadit ráđđádallanjoavkku, mii sáhttá
heivehit jođánis ratifiserema
Sámekonvenšuvnnas.
Sámiráđđái
ođđa miellahttosearvi
Sámiid
19. konfereansa dohkkehii Boazoeaiggádiid Oktavuohta -searvvi (BEO) Sámiráđi
ođđa miellahttosearvin.
Boazoeaiggádiid Oktavuohta lea dohkkehan Girona ja Áváhki julggaštusaid,
mat ledje miellahttovuođa eaktun. Lassedieduid searvvi birra gávdná sin
ruoktosiidduin www.renagarforbundet.se.
Sámiráđis
leat dál oktiibuot ovcci miellahttosearvvi: golbma Norggas, golbma Ruotas,
guokte Ruoššas ja okta Suomas.
Sámiráđi
ođđa lahtut jagiide 2009 - 2012
Sámiid 19. konfereansa válljii Sámiráđi lahtuid ja
várrelahtuid jagiide 2009 - 2012.
Ruhtadeapmi:
|
Kulturoktavuohta Nord
|
Barents Čállingoddi, Norga
|
Norga
|
|
Davviriikkaid
kulturfoanda
|
Oahpahusministeriija,
Suopma
|
Vuoigatvuođaministeriija,
Suopma
|
|
Suopma
|
Norga
|
Olgoáššiidministeriija,
Suopma
|
|
Roavvenjárgga gávpot
|
Ruoŧŧa
|
Lappi Lihttu
|
|
|
|
|
|
|
|
|
|
| 
