Arkiiva

Oktasaš Sápmi - fáddán sámekonferánssas

Sámiráđđi lea mearridan ahte 2017 sámekonferánssa váldofáddán galgá leat "Oktasaš Sápmi".

Boahtte sámekonferánsa lágiduvvo Troanddimis guovvamánus 2017. Dalle lea 100 jagi ávvudeapmi das ahte sápmelaččat vuosttaš heave organiserejedje, ja stuorra doalut leat planejuvvon.

"Mii sámit leat okta álbmut, stáhta rájit eai galgga boktet min álbmoga oktavuođa" lea beakkán sitáhta Åre konferánssas 1986:s. "Oktasaš Sápmi" lea jurddašuvvan joatkkan dasa. 
Dán fáttá vuođul lea lunddolaš ságastit sámiid oktasaš politihkalaš áššiin, ee.:

  • Oktasaš njuolgaválljejuvvon sámediggi
  • Oktasaš sámemeroštallan
  • Oktasaš kulturfoanda 
  • Oktasaš dohkkehanortnegat 
  • Oktasaš ulbmilat sámi oahpahusas
  • Eará oktasaš beroštumit