21. Sámiid konferánsa

Fádda: "Oktasaš Sápmi"

Konferánsa lágiiduvvo Scandic Lerkendal Hoteallas Tråantes Norggas, guovvamánu 9-11 beaivvi, 2017.

 

Dás gávnnat dieđuid movt almmuhit iežas konferenssii ja eará praktihkalaš dieđuid >>

  

Sámiráđi alimus orgána lea sámiid konferánsa mii lágiduvvo juohke njealját jagi. Konferánsa vállje Sámiráđi miellahtuid ja dohkkeha julggáštusa mii lea vuođđun Sámiráđi doammaide boahtte njealji jagi. Dán jagi Konferánsa lea oassin ávvudit vuosttaš Sámi riikkaidgaskasaš čoahkkima muitun, mii lágiiduvvui Tråantes guovvamánu 6. beaivvi, 1917. 

Dát šadda muitinveara vahkku gos visot sámit nuortan oarjjas, davvin lulas, besset čoahkkanit. Mii beassat hupmat, čatnat oktavuođaid, movttiiduvvot ja suohtastallat.

Sámiid Konferánssas beasat oaidnalit mearrideddjiiguin, politihkalaš ovddasteddjiiguin ja Sámi servvodaga rásseruohtasiiguin, ovttas stáhta ovddasteddjiiguin ja riikkaidgaskasaš verddiiguin ja gussiiguin.

Konferánssas geavahuvvo sámi-, eŋgelaš-, ruošša ja skandinávalašgiella.