Arkiiva

Idag för 30 år sedan godkändes den samiska flaggan

Borgemánu 15. b. jagis 1986 Sámi konfereansa Åres mearridii makkár sámi leavga galggai leat.

 

Sámi leavga lea buot sápmelaččaid oktasaš leavga, beroškeahttá das guđe riikkas sii orošit. 

Sámiráđđi lei bovden gilvvohallamii ráhkádit ođđa sámi leavgga ja bálkášupmi vuoitái lei 2.000 FIM.  Sámiráđi leavgabargojoavkkus ledje Rose Marie Huuva, Kaaren Kitti ja Máret Sárá. Ledje oktiibuot 27 evttoheaddji, geat ledje buktán olles 74 leavgaevttohusa, earret dan Synnøve Persena hábmejuvvon leavgga man ledje dan radjai geavahan eahpevirggálaččat.

Sámekonferánsa Åres dohkkehii Astrid Båhla leavgaevttohusa. Astrid Båhl lea Ivgovuonbađas eret. Vuođđun lei dat leavga mii lei geavahuvvon juo ovdal Sámis. Muhto levgii lei lasihuvvon ruoná ivdni ja riekkis vel. Hábmejeaddji lea gohčodan dán leavgga "Sámit leat beaivvi mánát". Rukses beallegierdu govasta beaivváža ja alit beallegierdu ges govasta mánu.

Dát beaivi lea maid almmolaš sámi leavgabeaivi.