Arkiiva

Sámi ovddasteaddji ON: Bissovaš Forumii

Sámiráđđi lea čoahkkimis 10. b. golggotmánus mearridan nomineret Ánne Nuorgama sámi ovddasteaddjin ON:a Bissovaš Forumii álgoálbmotáššiide.

Ánne Nuorgam lea sámi jurista ja sus lea guhkes hárjáneapmi riikkaidgaskasaš álgoálbmotbargguin. Son lea odne Sámiráđi olmmošvuoigatvuođaossodaga hoavda, ja lea maid dutki Lappi Universitehtas Roavvenjárggas.

ON lea ge bivdán álgoálbmogiid nomineret áirasiid ON:a Bissovaš Forumii álgoálbmotáššiide čuovvovaš 3 jagi áigodahkii mii álgá 01.01.2017. Arkttálaš guovllus lea okta sadji, ja sápmelaččat juogadit dan inuihtaiguin. Dál lea inuihta Dalee Samboo Dorough guhte ovddasta Arkttálaš guovllu.
Sámi ovddasteaddjit Bissovaš Forumas leamašan ovdal Ole Henrik Magga (2002-2004) ja Lars-Anders Baer (2008-2010).