Sámiráđi kulturlávdegoddi

Kulturlávdegoddi lea Sámiráđi oktavuođaorgána sámi dáidda- ja kulturservviide nugo omd. duodjeorganisašuvnnaide, girjjálašvuođaorganisašuvnnaide, filbma- ja musihkkaservviide. 

Kulturlávdegottis leat vihtta miellahttu. Njealljis miellahttuin ovddastit sámi dáidda- ja kulturorganisašuvnnid, ja viđát miellahttu ovddasta Sámiráđi. Miellahttuid ja várrelahttuid doaibmaáigodat leat guokte kalenddarjagi.

Dás oainnát geat leat miellahttun kulturlávdegottis.

Kulturlávdegoddi vástida maid Sámiráđi kulturdoarjjaortnegis, maid ruđat kanaliserejuvvojit Sámiráđi bokte kultureallima geavahussii. Kulturlávdegoddi bargá ovttas Sámiráđiin ovddidan dihte sámekultuvrra viiddis kulturáddejumi vuođul.

Sámi kultursearvvit

Dáidda- ja kultursearvvit evttohit ieža ovddasteaddjiideaset kulturlávdegoddái. Dáidda- ja kulturservviid sajit galget molsašuddat servviid gaskka, vai buot dáidda- ja kultursuorggit šaddet ovddastuvvot nu viidát go vejolaš.

 

Kulturlávdegotti sajit molsašuddet dáid servviid gaskka:

 

Dáidda- ja kultursearvvit

Sámi fágagirjjálaš čálliid ja jorgaleaddjiid searvi (SFS)

Sámi Dáiddárráđđi

Sámi Teahtersearvi / Samisk teaterforening (STS)

Samiske filmforbund/ Sámi Filbmabargiid searvi

Sámi dáiddačehpiid searvi (SDS) / Samisk kunstnerforening

Sámi Girječálliid searvi (SGS) / Samisk forfatterforening

Foreningen Samiske Komponister/ Sámi komponisttaid searvi

Juoigiid Searvi

 

Nuoraid searvvit

Noereh

Suoma Sámi Nuorat

Sáminuorra

Sam Nuraš

 

Duodjesearvvit

Čepes Sam

Landsorganisasjonen Sámiid Duodji

Duojáriid ealáhussearvi

Sameslöjdstiftelsen Sámi Duodji

Sámi Duodji ry.