Arkiiva

Čállingilvvut

Sámiráđđi bovde sámi mánáid ja nuoraid oassálastit čállingilvvuin.

 

Sámiráđđi bovde sámi mánáid ja nuoraid searvat čállingilvvuide. Gilvu lea 6-30 ahkásaš mánáide ja nuoraide ja lea juhkkojuvvon viđa iešguđet ge ahkeluohkáide. 

 

Bálkkašumit juhkkojuvvojit 100.000 kr ovddas ja buoremus čállosat almmuhuvvojit.

 

Čállosat galget leat man nu sámegillii čállojuvvon, ja čálli oažžu ieš válljet das hámi. Sáhttá leat novealla, dikta, ráhkisvuođačálus, issorasčálus, ráidogova, máinnas, muitalus, duohta dáhpáhus, fáktateaksta dahje mii nu áibbas eará. Nuoramusat sáhttet sárgut jus govvateaksta lea sámegillii. 

 

- Mun lean nu ilus go mii sáhttit fállat dákkár vejolašvuođa min mánáide ja nuoraide dál go lea riikkaidgaskasaččat eamiálbmogiid gielaid jahki. Sávašin ahte gilvvut hástalit ja movttiidahttet sin čállit sámegillii, dadjá Sámiráđi várrepresideanta Christina Henriksen.

  

Čállingilvu álgá 16.9.2019 ja nohká 17.11.2019 gaskaija áigge. 

 

 

Davvisámegillii

Julevsámegiellaj

Nuõrttsääʹmǩiõll

Åarjelsaemien

Anarâškielâ

Перевод с русского языка