Arkiiva

Christina Hætta jođihišgoahtá Sámiráđi kulturossodaga

Sámiráđđi lea dal virgádan kulturossodaga ođđa jođiheaddjin Guovdageidnulačča Christina Hætta.

 

Sámiráđi kulturossodaga ođđa jođiheaddjin lea virgáduvvon Christina Hætta. Hætta lea Guvdageainnus eret Norgga bealde, muhto orru Álttás. Son lea bargan earret eará Beassášfestivála ja Riddu Riđđu buvttadeaddjin, ja iežas buvttadan fitnodaga čađa lea Hætta buvttadan viidat nu go Dávvi Norgga riemuide ja Vidas Extremas čájalmasa oktan Beaivváš Sámi Nášunála teáhteriin.

-       Mu ulbmil lea joatkit Sámirađi dehalaš barggu Sámi servodaga ovddas ja dat movttidahtte mu beassat ovdanahttit Sámi kulturpolitihkka, dadjá Hætta.