Arkiiva

Oza oahpahallin!

Sámiráđđi rahppá dál ollesáigge oahpahalli virggi mii bistá 6 mánu, vejolašvuođain guhkedit 12 mánnui.

 

Beroštat go sámi áššiiguin bargat?

Geasuhit go riikkaidgaskasaš barggut du?

Háliidat go bargohárjáneami sámi birrasis?

 

 

Álgge oahpahallin Sámiráđđái!

 

Sámiráđđi rahppá dál ollesáigge oahpahalli virggi mii bistá 6 mánu, vejolašvuođain guhkedit 12 mánnui.

 

Mii ohcat sealgilis/doaimmalašolbmo,geas lea beroštupmi ja gelbbolašvuohta ovddidit sámi kultuvrra riikarájáid rastá. Máhttu sámi servodaga birra deattuhuvvo. Dasa lassin deattuhuvvojit ovttasbargan- ja gulahallanattáldagat, dás maiddái čálalaš ovdanbuktinnávccat, návccat bargat iehčanassii ja ulbmillaččat ja veahkkáivuohta.

Bargobáiki lea Sámiráđi čállingottis Kárášjogas.

Bálká ja álgin lea šiehtdusa mielde.

 

Sádde iežat ohcamuša dán čujuhussii:

saamicouncil@saamicouncil.net

ovdal 15.05.2018. Merke ohamuša ”Oahpahalli”. 

 

Eanet dieđuid addá Sámiráđi váldočálli Áile Jávo

Tlf. +47 950 25 926

E-poasta: aile.javo@saamicouncil.net