Árktalaš ja Birasossodat

“Dearvvaslaš ja buvttadeaddji ekovuogádagat, sihke nannámis ja čáziin, lea vuođđun sámi kultuvrii ja identitehtii.”

“Sámi kulturvuođđu galgá sihkarastot ja nannejuvvot ceavzilis luondduresurssa hálddašeami bokte. Dasa vejolaš váikkuhusat, nugo nuoskkideapmi, dálkkádat rievdadeamit ja earáhuhtton luonddugeavaheapmi fertejit eastaduvvot.”

Sámiráđi doaibmaplánas 2015

 

Sámiráđđi lea Árktalaš Ráđis okta guđa Bistevaš Oasseváldin. Árktalaš- ja Birasossodat oasálastá Árktalaš Ráđi ja dan bargojoavkkuid bargguide, sihkarastindihtii ahte sámi peršpektiivvat ja beroštumit váldojit vuhtii.  

Sámiráđđi oasálastá maid ON:a Luondduvalljivuođa konvenšuvnna (CBD) bargui.

 

Dás gávnnat Sámiráđi mearriduvvon "Sámi Árktalaš Áigumušat" čállosa mii mearriduvvui čakčamanus 2019. Das lea maid fárus lista dutkandárbbuin Sámis.

 

Árktalaš- ja Birasossodaga hoavda lea Gunn-Britt Retter

Govven: Bjarni Eiríksson, PAME