21. Sámiid konferánsa

Fádda: "Oktasaš Sápmi"

Konferánsa lágiiduvvo Scandic Lerkendal Hoteallas Tråantes Norggas, guovvamánu 9-11 beaivvi, 2017.

 

Sámiráđi alimus orgána lea sámiid konferánsa mii lágiduvvo juohke njealját jagi. Konferánsa vállje Sámiráđi miellahtuid ja dohkkeha julggáštusa mii lea vuođđun Sámiráđi doammaide boahtte njealji jagi. Dán jagi Konferánsa lea oassin ávvudit vuosttaš Sámi riikkaidgaskasaš čoahkkima muitun, mii lágiiduvvui Tråantes guovvamánu 6. beaivvi, 1917. 

Dát šadda muitinveara vahkku gos visot sámit nuortan oarjjas, davvin lulas, besset čoahkkanit. Mii beassat hupmat, čatnat oktavuođaid, movttiiduvvot ja suohtastallat.

Sámiid Konferánssas beasat oaidnalit mearrideddjiiguin, politihkalaš ovddasteddjiiguin ja Sámi servvodaga rásseruohtasiiguin, ovttas stáhta ovddasteddjiiguin ja riikkaidgaskasaš verddiiguin ja gussiiguin.

Konferánssas geavahuvvo sámi-, eŋgelaš-, ruošša ja skandinávalašgiella.

      

Gaskaboddosaš prográmma

Duorastaga 09.02.2017

08.00-08.45  Registreren

09.00-10.00  21. Sámekonfereanssa vuođđudeapmi

10.00-13.00  Temabeaivi: Oktasaš Sápmi

13.00-14.00  Lunša

14.00-18.00  Temabeaivi joatkašuvvá

20.00        Gallamállásat

         Kulturdoalut

         Sámiráđi gudnebálkkašumi geigendilálašvuohta

 

Bearjadaga 10.02.2017

09.00-10.00  Sáttagottiid čoahkkimat

10.00-12.00  21. Sámekonfereanssa virggalaš ráhpan

         Luohti

         Sámi Soga Lávlla

         Ráhpansárdni Sámiráđi ságajođiheaddji bokte

         Dearvvuođat gussiin

12.00-13.00  Lunša

13.00-17.30  Sámekonfereansa joatká áššegieđahallama

19.00        Mállásat

  

Lávvordaga 11.02.2017

09.00-12.00   Sámekonfereansa joatká áššegieđahallama

12.00-13.00  Lunša

13.00-16.00   Sámekonfereansa joatká áššegieđahallama

16.00-18.00  Ođđa Sámiráđđi doallá vuođđudančoahkkima

18.00        Preassadilálašvuohta

19.30        Mállásat

 

Sotnabeaivi 12.02.2017

Mátkkošteapmi ruoktot

 

 

Praktihkalaš dieđut

    

Čoahkkinbáiki

21. Sámekonfereansa lágiduvvo Troanddimis, Norggas Scandic Lerkendal nammasaš hoteallas. Gávnnat eanet dieđuid čoahkkinbáikki birra dán siiddus

Eanet dieđuid Troanddima gávpoga birra gávnnat dáppe

 

Sadji vuovdimii/čájáhusaide

Čoahkkinbáikkis fállet saji vuovdimii dehe čájáhusaide Sámekonfereansa buohta.

Sadji mii lea 6 m2  stuoris (mas lea beavdi/stuolut/elefápmu) máksá 500 NOK beaivvis vuosttaš guovtti beaivvi ovddas. 3-5 beaivvi máksá oktiibuot 1500 NOK.

Sadji mii lea 20 m2  stuoris máksá 1000 NOK beaivvis vuosttaš guovtti beaivvi ovddas. 3-5 beaivvi máksá oktiibuot 3000 NOK.

Diŋgojupmi dahko G Travel Trondheim bokte, traante2017@gtravel.no.

     

Orrun

Sámiráđđi lea várren lanjaid oasseváldiide Scandic Lerkendal hoteallas. Jus háliidat várret lanja min bokte, de fertet dan dahkat ovdal juovlamánu 9. beaivve 2016. Fertet de deavdit registreren skovi. Fuomáš: Juohke oasseváldi ferte iežas ovddas máksit njuolga hotellii.

     

100 jagi ávvudeapmi – Tråante 2017

21. Sámekonfereansa lea oassin Tråante 2017:s, 100 jagi ávvudeapmi das go sápmelaččat lágidedje vuosttaš sámi konfereanssa. Dat čaohkkin lágiduvvui Troanddimis guovvamanu 6. gitta 9. beaivái 1917. Lágiduvvojit olu iešguđetlagan doalut olles ávvuváhku. Eanet dieđuid gávnnat www.tråante2017.no siiddus.

    

Visum

Dárkkis iežat ambassadain dárbbašat go visuma beassat Norgii. Sámiráđđi áinnas veahkeha du virggálaš bovdehusain ja eará gažaldagaiguin visuma ektui. Dieđit midjiide dárbbuid nu fárgga go vejolaš. 

    

Mátkkošteapmi

Sámiráđis ii leat dađi bahábut vejolašvuohta ruđalaččat doarjut oasálastima. Lagamus girdišillju lea Værnes Trondheim lufthavn. Doppe leat busset mat dolvot du hotellii. Lea maid vejolaš mátkkoštit Troanddimii togain. Eanet dieđuid togaid birra gávnnat www.nsb.no siiddus.

    

Registreren 

Registreren dáhpáhuvvá hoteallas dii. 18-20 norgga áigge guovvamánu 8. beaivve 2017, ja dii. 08-09 guovvamánu 9. beaivve. Juohke oasseváldi oažžu konfereansagilkora. 

     

Čállingoddi 

Konfeareanssas lea sierra čállingoddedoaibma čoahkkinbáikkis. 

     

Ruhta

Valuta Norggas lea Norwegian Kroner (NOK).     

      

Dálki

Guovvamánus lea dálvi Norggas. Gárvot fal bures.  

     

Dulkon

Čoahkkin dulkojuvvo davvisámegillii, ruoššagillii, skandinaválaš gillii ja eŋgelasgillii.

Konfereanssa julggáštus

Konfereanssa boađusin lea julggáštus man konfereansa dohkkeha. Mearrádusat dáhpáhuvvet konsensusa bokte.