Архив

Gudnebálkášupmi Ole Henrik Maggai

Dán jágáš gudnebálkášeapmi geigejuvvui Ole Henrik Maggai Sámiid 21. konfereanssas, Tråantes, guovvamánu 9.b. 2017, Sápmi Soaré oktavuođas.

Ole Henrik Magga lea nuorran juo álgán bargat sámiid áššiguin. 

Mánnávuođa rájes lohká iežas juo fuomášan ahte sámiin lea vuolit sadji servvodagas go earáin. Nuorran go diđolaččat válljii čájehit sámivuođa de beasai gullat mo sihke stuorra servvodagas ja sápmelaččat ieža vigge sihke cielahit ja cággat sámi álbmoga. Sutnje šattai danne hui čielggas ahte lei riekta álgit áŋgiruššat sámi áššiid ovddas ja searvat sámi politihkkii.

Su politihkkalaš áŋgiruššan deaivvai morránit seammá áiggi go servvodat muđuid rievddai jođánit. Máiddai nuorat muđuid Eurohpas vuostildišgohte dološ ásahuvvon ordnegiid, olles lihkadussan. Vaikko sus lea maid čiekŋalis beroštumit sihke sámegielaide, luohtái ja dutkamii, de lea su politihkklaš áttáldagat ja olahusat mat leat dahkan su eanemusat dovddosin sihke Sámis ja maid olggobeal Sámi ge. Máiddai otne fáddá “Oktasaš Sápmi” lea láhkka su váimmu. 

Son  lea fárga 50 jagi áktiivvalaččat searvan luohttevaš doaimmiade politihkkkas, sihke sámiid searvvi ásaheamin, riikasearvvi jođiheaddjin, Sámedikki presideanttan ja lea otnán beaivvi ge ain aktiivva doaimmain masa sámi servvodat lea čájehan sutnje luohttemuša. Buot dáid luohttámušaid son lea guoddán njulges čilggiin - maiddái garra stuimmiid čađa.

Son gean mii odne hállidat gudnejahttit lea dákkár geainna mii buohkat čevllohállat. Ii son leat dušše midjiide sámiide leamaš njunuš ja pionera, muhto sus lea alla násti maid eamiálbmogiin miehtá máilmmi su riikagaskasaš doaimmaid dihte.