Ohcanskovvi - Prošeaktadoarjja 2018

ČILGEHUS - NJUOLGGADUSAT

Sámiráđi 2018 kulturdoarjagiid ohcanáigemearri lea juovlamánu 19. b. 2017, gaskidja (Norgga áiggi mielde). Ohcamušat sáddejuvvon maŋŋil dán áigemearri eai boađe gieđahallot.

Lea vejolaš čállit ohcamuša sámi-, eŋgelaš-, ruošša-, dáro-, ruoŧa- ja suomagillii.

Fuomáš ahte don it sáhte vurket dieđuid dán ohcanskovis eará go delle go sáddet ohcamuša. Mii evttohit ahte válbmet vástádusaid ovdagihtii sierrá dokumeanttas vai sáhtát sirdit daid ohcanskovvái. Dan ládje it manat makkárge dieđuid jos ruovttosiidu giddejuvvo vahágis.

Fuomáš ahte mii dohkkehit beare ohcamušaid mat leat sáddejuvvon dán ohcanskovi bokte.

Sámiráđi kulturdoarjagiid njuolggadusaid gávnnat dás >>

Joatkke ohcamuššii boaluin mii lea vuollelis dehe bajilčállagiid bokte badjelis:

Ohcci
1. Čále ohcci goarggu ja ovdanama. Jos ohcci lea organisašuvdna de galgá organisašuvnna nama čállit dása.
2. Čále prošeavtta jođiheaddji/ovddasvástideaddji nama.
3. Čále ohcci boastačujuhusa masa boasta galgá sáddejuvvot.
4. Čále prošeavtta jođiheaddji/ovddasvástideaddji telefovdnanummára.
5. Čále ohcci e-boastačujuhusa mainna galgat gulahallat e-boastta bokte.
Prošeaktadieđut
6. Čále prošeavtta nama. Namma galgá leat oatni ja álki dovdat.
7. Čále goas prošeakta lea álgán dehe lea vurdon álggahuvvot.
8. Čále goas prošeakta lea vurdon loahpahuvvot. Prošeakta galgá buktit loahpalaš prošeaktačilgehusa Sámiráđđái ovdal dán dáhtona.
9. Vállje makkár suorgái prošeakta heive buoremusat. Jos ii gávdno heivvolaš suorgi sáhtát válljet "eará" ja nammadit eará suorggi vuollelis.
10. Jos ii gávdno heivvolaš suorgi listtus de sáhtát válljet "eará" ja nammadit suorggi dás.
11. Vállje makkár riikkas dehe riikkain din prošeavttas galget leat doaimmat. Jos válljet "eará riikkat" sáhtát nammadit makkár riikkat vuollelis.
11. Makkár riikkas dehe riikkain galget leat doaimmat*
12. Jos válljet "eará riikkat" sáhtát dás nammadit makkár riikkat.
13. Vállje jos prošeavtta ulbmiljoavku lea čielgasit dievdoolbmot, nissonolbmot dehe goappašagat. Jos ohcci lea priváhtaolmmoš ja prošeaktadoaimmain eai leat mielde olu earát de galgá dás dieđihit ohcci sohkabeali.
Prošeavtta sisdoallu
14. Nammat makkár ovttasbargit prošeavttas leat ja maid sii barget prošeavttas. Ovttasbargi sáhttá leat oktasaš prošeaktaoamasteaddji dehe dakkár mii galgá čađahit muhtin doaimmaid ovttas prošeavttain.
(Eanemusat 1000 bustáva)
15. Čilge oanehaččat makkár bohtosat leat vurdon prošeavttas. Ollislaš čilgehus galgá lasihuvvot vuollelis.
(Eanemusat 500 bustáva)
16. Čilge oanehaččat makkár doaimmat galget čađahuvvot prošeavttas. Ollislaš čilgehus galgá lasihuvvot vuollelis.
(Eanemusat 1000 bustáva)
Bušeahta
17. Nammat man olu ozat doarjagiin Sámiráđis.
Lohku galgá leat euros.
18. Čilge makkár sisboađut bohtet leat prošeavttas. Muitte váldit mielde dan logu man ozat Sámiráđis. Fuomáš ahte sisboađut oktiibuot galget leat seammá stuorrát go golut oktiibuot.
(Eanemusat 1000 bustáva)
19. Čilge makkár golut bohtet leat prošeavttas. Fuomáš ahte sisboađut oktiibuot galget leat seammá stuorrát go golut oktiibuot.
(Eanemusat 1000 bustáva)
Mildosat ja eará dieđut
20. Mildosat mat fertejit lasihuvvot:

1. Ollislaš prošeaktačilgehus, word-hámis jos vejolaš
2. Bargo- ja áigeplána, word-hámis jos vejolaš
3. Ollislaš ruhtanplána ja bušeahta, excel-hámis jos vejolaš

Dás sáhtát maid lasihit eará mildosiid mat gullojit ohcamušii.

Fuomáš ahte mildosiid fiilageažus ferte čállot smávva bustávaiguin (ferte omd leat '.doc' iige '.DOC').
21. Dieđit dás jos dus leat eará dieđut dehe čilgejumit mat leat dehálaččat prošeaktaohcamuššii.
(Eanemusat 500 bustáva)
Sáddet ohcamuša
22. Jos ohcci lea organisašuvdna de galgá dás lasihuvvot vuolláičállon beavdegirji/dokumeantta, pdf-hámis jos vejolaš, mii čájeha ahte prošeavtta jođiheaddjis/ovddasvástideaddjis lea lohppi sáddet ohcamuša organisašuvnna namas.

Fuomáš ahte mildosiid fiilageažus ferte čállot smávva bustávaiguin (ferte omd leat '.pdf' iige '.PDF').
23. Go dán lean cehkken de duođaštan ahte mus, dego ohcci ieš dehe ovddasteaddjin ohcci organisašuvnnas , lea lohpi sáddet dán ohcamuša ja ahte visot dieđut ohcamušas leat riekta ja duođalaččat.
23. Duođastit ahte lea riekta ja duohta*
FUOMÁŠ: Go deaddilat sáddenboalu de boađát dárkkistansiidui gos galggat loahpalaččat dohkkehit ohcamuša. Go dan leat dahkan de sáddejuvvo ohcamuš midjiide ja kopiija eboasttain dutnje.

JOS NU II DÁHPÁHUVVO, de du ohcamuš ii leat váldon vuosttá albma ládje - dárkkis du vástádusaid ja geahččal sáddet oktii vel. Jos dat ii veahket, váldde oktavuođa minguin: kmr(a)saamicouncil.net.