Sámiráđđi lea bovden EMRIP Norgii ságastallat sápmelaččaid ja sámekultuvrra suodjaleamis industriijafidnuin.
Govva Herbert Aust, Pixabay
Sámiráđđi lea bovden Eamiálbmogiid vuoigatvuođaid áššedovdimekanismma (EMRIP) stáhtagalledeapmái Norgii ságastallat Norgga politihkas das mo sápmelaččaid ja sámekultuvrra sáhttá suodjalit industriijafidnuin Norgga bealde Sámis.
Industriijafidnut leat lassánan garrasit Norggas, mii heajuda sámiid árbevirolaš ealáhusaid dili. Máŋggat sisabahkkenfidnut leat dál jođus dahje plánejuvvon sámiid árbevirolaš eatnamiidda Norgga bealde Sámis. Sámiráđđi mielde stáhta lea dáin fidnuin rihkkon sámiid eanarivttiid, iešmearridanvuoigatvuohta, kultuvra- ja opmodatrivttiid.
Maiddái Ovttastuvvon našuvnnaid eamiálbmotvuoigatvuođaid julggaštusa (UNDRIP) artihkkala 32 friija, ovddalgihtii ja informerejuvvon miehtan (FPIC) ii leat implementerejuvvon ja gudnejahttojuvvon dáin sisabahkken fidnuin.
Sámiráđđi deattuha, ahte sápmelaččat vásihit dáid váttisvuođaid juohke stáhtas gos sámit árbevirolaččat ellet ja dáid eai dáhpáhuva beare Norggabeale Sámis. Goittotge, bovdehusas Eamiálbmogiid vuoigatvuođaid áššedovdimekanismii Sámiráđđi lea vuodjun beare daidda fidnuide, mat gusket sámeguovllu Norggas, go doppe leat dáö máŋggat fidnut jođus, vaikko Norgga lea ratifiseren ILO 169 soahpamuša (ILOC169).
Stáhtagalledeapmebivdaga dárkkuhussan lea veahkehit Norgga ja sápmelaččaid identifiseret dárbbuid ja addit teknihkalaš rávvagiid sápmelaččaid eamiálbmotrivttiide guoski nationála láhkaásaheapmái ja politihkka ovddideapmái.
