EU-Sámi Nuoraid Idea Lab galgá evttohit mo nannet sámenuoraid oassálastima Eurohpá uniuvnna nuoraid doaimmaiguin ja mearrádusaiguin

Ulbmil EU-Sámi Nuoraid Idea Lab prošeavttain lea loktet diehtovuođu EU mearrádusaid birra sámenuoraid gaskkas ja addit nuoraide vejolašvuođa ieža smiehttat čovdosiid mo nannet sámenuoraid jiena EU vuogádagas. Prošeavtta boađus galgá leat ráva sámenuorain mo EU sáhttá lasihit nuoraid oassálastima EU politihka hábmemis. Idea Lab galgá ságastallat fáttaid birra dego EU nuoraid doaimmat ja oahpahallanvejolašvuođat. Prošeakta lea oassin Sámiráđi AWARE-prošeavttas maid EU lea ruhtadan.

EU-Sámi Nuoraid Idea Lab guovddášjoavku EU-Sámi vahkkus Brusselis geassemánus, 2022.

EU-Sámi Nuoraid Idea Lab guovddáš joavkku barggut leat

Mánnosaš čoahkkimat čakčamánu 2022 rájes njukčamánu 2023 rádjai.
Lágidit rabas EU-Sámi Nuoraid Idea Lab sámenuoraide vai besset dávistit guovddášjoavkku árvalusaid.
Čállit evttohusa mo nannet sámenuoraid oassálastima EU nuoraid doaimmaiguin.

EU-Sámi Nuoraid Idea Lab guovddášjoavkkus leat guhtta nuora gaskal 20 ja 25 jagi sihke Norgga, Ruoŧa ja Suoma bealde sámis eret.