Háliidat go veahkkin hukset Sámi boahtteáiggi ja doarjut duoji ja sámi ealáhusaid? Mii ohcat golbma geassebargi geat háliidit bargat rájáid rastá ja searvat SÁPMÁI BUORRIN - Huksemin Sámi fitnodagaid boahttevuođa prošektii.

OHCANÁIGEMEARRI:
28.04.2026

Sápmái Buorrin viggá nannet sámi fitnodagaid buoridemiin daid beassama márkaniidda ja lasihemiin daid dovddusvuođa ja gilvalannávccaid – dorvvastemiin seammás sámi kulturárbbi. Go lasihit eakti sámi buktagiid oinnolašvuođa, fidnu veahkeha sámi fitnodagaid stuorrut suvdilit ja gudnejahttimiin sámekultuvrra.

Mii bálkkáhat golbma geassebargi. Okta oasseváldi válljejuvvo guđege riikkas: Suomas, Norggas ja Ruoŧas. Dát virggit leat čujuhuvvon sámenuoraide geat háliidit háhkat bargovásáhusa sámi kultursuorggis.

- oahpasmuvvat sámi gálvomearkaide
- háhkat buori bargovásáhusa sámi kultursuorggis
- veahkehit gulahallamiin ja márkanastimiin
- doarjut dáhpáhusaid, bargobájiid ja deaivvademiid lágidemiiguin
- beaivádahttit ja ráhkadit sisdoalu Sámi fitnodagaid digitála katalogai
- ja eambbo!
Dát virgi fállá áidnalunddot vejolašvuođa oažžut hárjáneami riikarájáid rasttildeaddji prošeaktabarggus.
- beroštumi sámi kultursuorggis
- buriid čálálaš ja njálmmalaš ovdanbuktinnávccaid
- návccaid bargat iehčanassii ja ulbmillaččat
- mearkašahtti barggu riikarájáid rasttildeaddji prošeavttas
- vejolašvuođa oahppat prošeavtta- ja gulahallanbarggus
- doarju ja dávggasis bargobirrasa
- mávssolaš bargovásáhusa sámi kultursuorggis
- Barggu guhkkodat: 2 mánu
- Álgin: 1.6.2026 (árat dahje maŋit álggahus vejolaš)
- Báiki: soahpamuša mielde/ gáiddusin
- Bálká soahpamuša mielde
Sádde du ohcamuša ovdal 28.04.2026
Suomas: samitrademarks@saamicouncil.net merke ohamuša ”Geassebargi”.
Norggas: samitrademarks@saamicouncil.net merke ohamuša ”Geassebargi”.
Ruoŧas: ansokan@sameslojdstiftelsen.com merke ohamuša ”Geassebargi”.
Eanet dieđuid addá prošeaktajođiheaddji Enni Similä:
Tlf. +358 40 419 9601
E-poasta: enni.simila@saamicouncil.net

Sámiráđđi lea eaktodáhtolaš, sorjjasmeahttun kultuvrralaš ja politihkalaš ovttasbargoorgána sámi organisašuvnnaide Suomas, Norggas, Ruoššas ja Ruoŧas. Váldoulbmilin lea gozihit sámiid vuoigatvuođaid ja beroštumiid oktan álbmogin ja nannet sámiid oktiigullevašvuođa riikkarájiid rastá. Ráđđi bargá maiddái riikkaidgaskasaččat ovddidit ja suddjet sámiid ja eará álgoálbmogiid vuoigatvuođaid. Das leat njeallje ossodaga: Árktalaš ja birasáššit, olmmošvuoigatvuođat, kultuvra ja EU-áššit.

Suoma Sámiid Guovddášsearvi rs (suom. Suomen saamelaisten keskusjärjestö, SSG) lea vuođđuduvvon 1997 ja dat lea Suoma sámiid servviid gáhttoorganisašuvdna. SSG ulbmil lea ovttastahttit sámi álbmoga, sihkkarastit ja ovddidit sámi álbmoga, gielalaš, hálddahuslaš, ekonomalaš ja kultuvrralaš vuoigatvuođaid ja fuolahit guovddáš sámi áššiid nationála ja riikkaidgaskasaš oktavuođain. SSG:s leat dál gávcci lahttoorganisašuvnna.

Sámi Duodji Sameslöjdstiftelsen ásahuvvui 1993 Ruoŧa Sámiid Riikkasearvi ja Same Ätnam servviid doaimmas. Dan ulbmilin lea duoji gáhtten, ovddideapmi ja doarjun. Sámi Duodji bargá dan ala ahte duodji boahtá oidnosii iešguđetlágan arenain, sihke gávppálaš ja kultuvrralaš arenain. Sámi Duoji vuođđojurdda lea, ahte duodji galgá leat iehčanas, doaibmat doarjjafunkšuvdnan ja aktiivvalaččat bargat duodjái laktaseaddji áššiiguin.

Project partners: