Almmuhus: Mii virgádit ráđđeaddi min olmmošvuoigatvuođaossodagas

Govven: Sámiráđđi

Sámiráđđi ohcá áŋgiris ráđđeaddi min olmmošvuoigatvuođaossodahkii. Virgi lea gaskaboddosaš ja bistá 2 jagi, ja soaitá guhkiduvvot. Duogáš lea Sámiráđi ođđa prošeavttaid álggaheapmi.

---

OHCANÁIGEMEARRI:
03.11.2025

---

Mii ohcat su gii háliida leat mielde nanneme sámi ovttasbarggu ja servodatovdánahttima riikarájáid rastá. Ráđđeaddin áiggut bargat sihke juridihkalaš áššiiguin ja beroštupmepolitihkain, sihke sámi ja riikkaidgaskasaš dásis.

Sámiráđis oaččut vejolašvuođa bargat iešguđetlágan bargguid, ja mii láhčit vejolašvuođa heivehit bargosuorggi du gelbbolašvuođa ja beroštumiid mielde. Bargui gullet muhtin ráje mátkkošteamit.

• Barggut

  • Prošeaktabarggut ja áššeráhkkaneapmi

  • Áššemeannudeapmi sámerievttis, eamiálbmotrievttis ja olmmošvuoigatvuođain 

  • Raporteren ja cealkámušat ON-orgánaide 

  •  Eará barggut Sámiráđi dárbbuid mielde

• Gelbbolašvuođa gáibádusat

  • Beroštupmi eamiálbmogiid olmmošvuoigatvuođaide

  • Oahppu ja/dahje bargohárjáneapmi láhkadiehtagis, olmmošvuoigatvuođain, stáhtadiehtagis vástideaddji oahppu

  • Buorre čálalaš dáidu ja beroštupmi čálalaš bargguide

  • Diehtu Sámi servodaga birra ja áinnas riikkaidgaskasaš barggu birra

• Persovnnalaš iešvuođat

  • Don háliidat bargat sámi birrasis sámi gažaldagaiguin.

  • Don leat struktuvrralaš, doaimmalaš ja don nákcet heivehit iežat iešguđet dilálašvuođaide

  • Dus lea dáidu bargat sihke iešheanalaččat ja ovttasráđiid earaiguin

  • Don liikot hálddašit máŋggaid bargguid oktanis.

• Gielladáidu

  Virgi gáibida dáiddu hupmat ja čállit eŋgelasgillii. Ohcci galgá dasa lassin máhttit ovtta davviriikkalaš váldogiela ja áinnas maid sámegiela. Lea buorre juos ohcci dasa lassin máhttá ruoššagiela.

• Mii fállat

  • Min luhtte beasat bargat miellagiddevaš ja mávssolaš bargguid riikkaidgaskasaš eamiálbmotbirrasis

  • Bálká ja álgin šiehtadusa mielde.

  • Bargobáiki lea ovtta Sámiráđi doaimmahagain, muhto vejolaš šiehtadit eará bargobáikki

• Ohcamuš

  Ohcanáigemearri: 3.11.2025

  Ohcamuš oktan mildosiiguin sáddejuvvo Sámiráđđái saamicouncil@saamicouncil.net

• Muđuid

  • Eanet dieđuid virggi ektui addiba olmmošvuoigatvuođaossodaga hoavda Eirik Larsen tlf. +47 970 80 217, dahje váldočálli Áile Jávo, tlf. +47 950 25 926.

Sámiráđđi lea eaktodáhtolaš, sorjjasmeahttun kultuvrralaš ja politihkalaš ovttasbargoorgána sámi organisašuvnnaide Suomas, Norggas, Ruoššas ja Ruoŧas. Váldoulbmilin lea gozihit sámiid vuoigatvuođaid ja beroštumiid oktan álbmogin ja nannet sámiid oktiigullevašvuođa riikkarájiid rastá. Ráđđi bargá maiddái riikkaidgaskasaččat ovddidit ja suddjet sámiid ja eará álgoálbmogiid vuoigatvuođaid. Das leat njeallje ossodaga: Árktalaš ja birasáššit, olmmošvuoigatvuođat, kultuvra ja EU-áššit.