Seminára: Fámuidahttit Sámi
📅 12.08.2022, 09:00 - 17:30
Doaba "fámuidahttin”, dahje "empowerment" eŋgelasgillii, čujuha doaimmaide, maid ulbmilin lea lasihit ovttaskas olbmuid, álbmogiid ja servošiid iešstivrejumi ja iešmearridanrievtti, vai sii nákcejit ovddastit ovdduideaset vásttolaččat ja vugiin, maid sii leat ieža mearridan. Dat lea proseassa, mas olmmoš šaddá nannosabbon ja oažžu stuorát jáhku alcces, erenoamážit iežas eallima hálddašeamis ja vuoigatvuođaid gáibideamis. Fámuidahttinproseassa čujuha sihke iežas nannemii, ja maiddái dasa, mo earát diđolaččat ja ámmátlaččat sáhttet dán proseassa doarjut. Fámuidahttima bokte sáhttá nákcet guođđit fámuhisvuođadovddu ja dovddu, ahte ii bastte váikkuhit áššiide. Dan sadjái oahppá fuobmát iežas návccaid ja vejolašvuođaid.
Doaba "fámuidahttin”, dahje "empowerment" eŋgelasgillii, čujuha doaimmaide, maid ulbmilin lea lasihit ovttaskas olbmuid, álbmogiid ja servošiid iešstivrejumi ja iešmearridanrievtti, vai sii nákcejit ovddastit ovdduideaset vásttolaččat ja vugiin, maid sii leat ieža mearridan. Dat lea proseassa, mas olmmoš šaddá nannosabbon ja oažžu stuorát jáhku alcces, erenoamážit iežas eallima hálddašeamis ja vuoigatvuođaid gáibideamis. Fámuidahttinproseassa čujuha sihke iežas nannemii, ja maiddái dasa, mo earát diđolaččat ja ámmátlaččat sáhttet dán proseassa doarjut. Fámuidahttima bokte sáhttá nákcet guođđit fámuhisvuođadovddu ja dovddu, ahte ii bastte váikkuhit áššiide. Dan sadjái oahppá fuobmát iežas návccaid ja vejolašvuođaid.
Ulbmilat
Seminára ulbmilin lea hukset oktasaš áddejumi das, maid Sámi fámuidahttin gáibida. Seminára figgá hábmet buoremus ovdamearkkaid ja doaimmaid fámuidahttin dihte Sámi, ja seammás vástidit daid hástalusaide, mat mis ain leat.
Seminára maŋŋá sávvat, ahte oasseváldiin lea eanet máhttu iešguđet doaimmain, mat leat jođus miehtá Sámi ja láidestit fámuidahttit min servodaga. Mii sávvat maid, ahte oasseváldiin lea buoret áddejupmi das, mii gáibiduvvo fámuidahttin dihte Sámi ain eanet, ja ahte sii leat diđolaččat sihke daid vejolašvuođain ja hástalusain, mat Sámis odne leat.
Olles prográmma gávnnat dás.