Oula-Antti Labba lea virgáduvvon ođđa mielbargin olmmošvuoigatvuođaossodahkii
Sámiráđđi lea virgádan Oula-Antti Labba, Eanodagas eret, juristan olmmošvuoigatvuođaossodahkii.
Oula-Antti Labba. Govva: Priváhtta
Sámiráđđi lea virgádan Oula-Antti Labba juristan olmmošvuoigatvuođaossodagas. Labba lea Eanodagas eret, muhto ássá dál Anáris ja Helssegis. Labba lea jurista geas lea erenoamáš vásáhus olmmošvuoigatvuođa áššiiguin ja lea ovdalis bargan Suoma Sámedikki ovddas ja olmmošvuoigatvuođaorganisašuvnna Minority Rights Group International ovddas.
– Lean erenoamážit beroštuvvan álgoálbmogiid vuoigatvuođain ja áššiin mat gusket álgoálbmogiid iešmearridan vuoigatvuođaide ja árbevirolaš sámi ealáhusaide, ja illudan dáid áššiiguin bargat Sámiráđi ovddas.
Oktavuođadieđut:
Gullevaš čujuhusat:
