Govva: Sámiráđđi/Mariann Josefsen
Sápmái Buorrin prošeavttas dáhpáhuvvá olu! Dasa lassin, ahte leat álggahan ruoktoresideansaprográmma ja válmmastallat pilohtagávpotálgaga (Pilot Cities initiative), mii bargat olles áigge Sámi fitnodagaid nanosmahttima ja duojáriid doarjuma ovdii. Iskat seammás lasihit eakti sámiduoji oinnolašvuođa.
Boađe deaivat Sápmái Buorrin prošeavtta Johkamohki márkaniin 2027!
Leatgo boahtimin jagi 2027 Jåhkåmåhke Márnániidda? Boađe Sámi Duodjái deaivat min! Muitalit Sápmái Buorrin -prošeavtta birra ja veahkehit sámi fitnodatdolliid ja duojáriid geavahit daid vejolašvuođaid, maid min prošeakta fállá.
Dán visot sáhtát bargat go galledat min luhtte:
Govva: Sámiráđđi/Mariann Josefsen
Oaččut veahki sámi gálvomearkkaide guoski áššiin: Leatgo beroštuvvon ohcat Sámi Duodji dahje Sámi Made gálvomearkka dahje geavahatgo juo juobbágoabbá dain? Boađe fitnat, nu oaččut dieđu, rávvagiid ja veahki ohcamuša bargamii.
Boađe váldit ámmátlaš govaid iežat dujiin: Buvtte duojis min studioi! Mii veahkehit du govvet du buktagiid iežat barggu ja fitnodaga márkanastima várás. Fállát maid persovdnagovvema ođđa ja dálá sámi gálvomearkkaid geavaheddjiide.
Juos attát lobi, sáhttit maid almmustahttit muhtun du govaid min neahttasiidduin sámi fitnodagaid ja duojáriid ovdanbuktimis.
Oassálaste sámi fitnodagaid boahttevuođa huksemii: Muital iežat oainnuid min jearahallanskovi bokte ja oassálaste gálvomearkkaide laktáseaddji ovddidanbargui. Oassálasttedettiin min gažadeapmái beasat searvat vuorbádeapmái ja oaččut vejolašvuođa vuoitit bálkkašumiid.
Illudit deaivat du Johkamohkis!
Ruoktoresideansaprográmma lea álgán!
Golbma mánu bistevaš ruoktoresideansaprográmma lea virggálaččat álgán. Prográmmii oassálastet oktiibuot guhtta oasseváldi Ruoŧas, Norggas ja Suomas ja ovttas sii besset ovddidit iežat barggu ja fitnodatdoaimmaid, juohkit vásáhusaid ja oahpásmuvvat ođđa vejolašvuođaide sámi fitnodatmáilmmis.
Álggaheimmet prográmma Johkamohkis golggotmánu álggus. Dan maŋŋá joavku lea doallan vahkkosaš digitálalaš gáfestallamiid, main oasseváldit besset juohkit sin vásáhusaid, ságastallat iežaset prošeavttain ja oahppat nubbi nuppis.
Prográmma mentoran doaibmá Lena Viltok ja suinna oasseváldit deivet maid áššedovdiid, geat gieđahallet ee. márkánastima, branding, ja fitnodatdoaimma ovddideami.
Oahpásmuva ruoktoresideansaprográmma oasseváldiide:
Johanna Minde, Maria Aikio, Ellinor Guttorm Utsi, Nils-Jonas Persson, Maria Gunilla Påve Wilks ja Miia Ruokojärvi.
Illudit beassat čuovvut oasseváldiid mátkki ja juohkit lasi prográmma ságaid boahtte mánuid áigge!
Govva: Carl-Johan Utsi. Lena Viltok
Govva: Sámi Duodji - Sameslöjdstiftelsen. Johanna Minde, Maria Aikio, Ellinor Guttorm Utsi ja Nils-Jonas Persson
Pilohtagávpogat: buktimin eakti dujiid ođđa arenaide
Pilohtagápvotálgga álgá hápmášuvvat Levis, Ubmis ja Romssas! Geasi ja čavčča áigge min bargojoavku lea čohkken golmma duodji giissá, man veahkkin čájáhallat alla kvalitehta duoji miehtá Sámi. Buktagiin leat Sámi Duodji ja/dahje Sámi Made gálvomearkkat.
Duodji Giissá veahkkin vejolaš ovttasbargoguoimmit sáhttet oahpásmuvvat eakti sámi buktagiidde ja duoji máŋggabealatvuhtii. Seammás arvvosmahttit gávppiid, hoteallaid ja eará fitnodagaid váldit duoji oassin sin fállama.
Háliidivččetgo searvat min doaimmaide?
Ohcat Sámi Duodji dahje Sámi Made gálvomearkka geavaheaddji duojáriid, geat leat beroštuvvan ođđa vuovdinvejolašvuođain. Arvvosmahttit maid gávppiid, hoteallaid, mátkedoaimmahagaid ja eará fitnodagaid, geat leat beroštuvvon vuovdit duoji, searvat pilohtgávpotálgagii. Hás válddát oktavuođa, nu mii muitalit lasi!
Eará dáhpáhusat boađi boađi
Sápmái Buorrin World Cupis Levis 2026
13. - 15. skábmamánu 2026 | Levi
Illudit beassat virggálaččat almmuhit pilohtagápvotálágaga Levis World Cup áigge!
Buresboahtin háleštit minguin Lapland Avenues, gos ovdanbuktit min prošeavtta ja dan doaimmaid, sámi fitnodatmáilmmi ja gos oahpásmuvvat vejolaš ođđa ovttasbargoguimmiide. Silbačeahppi Katja Magga lea maid min fárus.
Čuovvovaš duodji- ja sámifitnodatdolliid deaivvadeapmi giđđat 2027
Leat plánemin min čuovvovaš deaivvadeami, mii lágiduvvo giđđat 2027.
Čuovo min ja oaččut lasi dieđuid dáhpáhusa birra.
Govva: Sámiráđđi/Fanny Larsson-Auna. Sápmai Buorrin team, Mariann Josefsen, Enni Similä, Sanne-Ristin Bengtsson, Mikaela Unga-Pirak og Inari Alanko.
Ruhtadeaddjit
Fitnu ruhtadit: Interreg Aurora, Norgga Sámediggi (Sámi Parliament in Norway), Lappi lihttu, Romssa ja Trøndela eanangoddehálddahusat (County municipalities), Bárents čálligoddi, Region Norrbotten, Västerbotten, Jämtland Härjedalen ja Västernorrland.
