Sápmái Buorrin -prošeavttain Riddu Riđđu -festivála márkaniid.

Galledeimmet dán jagi Sápmái Buorrin -prošeavttain Riddu Riđđu -festivála márkaniid. Min infobeavddis muitaleimmet prošeavtta birra sihke Sámi Duodji ja Sámi Made -gálvomearkkain.

Galledeaddjiide muitaleimmet, mo gálvomearkkat dahket álkkibun earuhit eakti sámi buktagiid ja seammás doarjut sámi duojáriid, kreatiiva ámmátolbmuid ja fitnodagaid.

Min infobeavddis lei maid vejolašvuohta ráhkadit iežaset boaluid sámi gálvomearkkaide laktáseaddji govaiguin. Dat lei hui bivnnus aktivitehta sihke mánáid ja rávesolbmuid gaskkas, ja dat attii buorre vejolašvuođa ságastallat sámi duodjeárbevierus, kultuvrras ja sámi buktagiid mearkašumi birra.

Mii háliidit liekkusit giitit buohkaid, geat gallededje min infobeavddi, jerre gažaldagaid ja juogadedje iežaset jurdagiid minguin. Lei somá deaivat nu ollu beroštuvvan galledeaddjiid, ja mii vuordit iluin joatkit barggu sámi fitnodagaid ovddideami ja nannema Sápmái Buorrin -prošeavtta bokte.

Ruhtadeaddjit

Fitnu ruhtadit: Interreg Aurora, Norgga Sámediggi (Sámi Parliament in Norway), Lappi lihttu, Romssa ja Trøndela eanangoddehálddahusat (County municipalities), Bárents čálligoddi, Region Norrbotten, Västerbotten, Jämtland Härjedalen ja Västernorrland.