ReCap ASáp álggaha Máhttojoavkkuid
ReCap ASáp prošeakta lea vuođđudan guhtta Máhttojoavkku, main leat guhtta áššedovdi, ja mat barget guhtta iešguđet fáttáin.
Guovddážis leat fáttát mat leat áigeguovdilat hukset servodaga ceavzilvuođa jođánis rievddadeaddji Sámis. Áššedovdiid čohkkema bokte galget joavkkut čohkket dieđuid máhttovuođuide maid sáhttá geavahit boahtteáiggis, nugo mearrádusaid dahkamis dahje politihka ovddideamis.
Christina Hætta, Unna-Maaria Pulska, Inga Elisá Påve Idivuoma, Hanna-Maaria Kiprianoff, Iŋga-Máret Gaup-Juuso, ja Oskar Östergren Najita.
Rádjacakkit kultur-Sámis
Okta Máhttojoavkku jođiha Sámiráđi kulturossodat, ja bargá identifiseret rádjacakkiid kultur-Sámis. Dieđuiguin earret eará dan máhtus mii gávdno ja sámi dáiddasuorggis, galget sii evttohit konkrehta doaibmabijuid dasa mo sáhttá nannet sámi kultursuorggi vejolašvuođaid eallit ja bargat oktasaš kultursuorgin - rastá riikkarájaid Sámis.
Vuosttaš čoahkkima oasseváldit ledje Christina Hætta (NO, sámi kulturbargi, Sámiráđi kulturossodaga jođiheaddji), Unna-Maaria Pulska (FI, kulturčálli Sámiráđđi), Inga Elisá Påve Idivuoma (SE, duojár, prošeaktamielbargi Dáiddadállu), Hanna-Maaria Kiprianoff (FI, le’udd artista, bargi Ä’vv Skolt Sámi Museum), Iŋga-Máret Gaup-Juuso (FI, juoigi) ja Oskar Östergren Njaita (SE, filbmadahkki, beaivválaš jođiheaddji Aejlies).
Helene Lindmark, Margret Fjellström, Janne Hirvasvuopio, Ina Rehn, Anna-Britta Rikka, ja Annie Henriksen.
Sohkkabealli Sámis
Nubbi joavku galget guovdilastit iešguđetlágan fáttáid birra mat gusket sohkabelliide ja dásseárvui. Dás galget miellahtut ságastallat ja smiehttat sohkabealrollaid birra ja movt daid áddejuvvot Sámis, ja maiddái movt sáhttá buoridit diđolašvuođa fáttá birra sámi servodagas.
Máhttojoavkku lahtut leat Ina Rehn (SE), Helene Lindmark (SE, Sámi nissonforum), Annie Henriksen (NO, Sámi nissonforum), Margret Fjellström (SE, Niejda), Anna-Britta Rikko (SE, Girjás čearru, Sáráhkka) ja Janne Hirvasvuopio (FI, Sámediggi).
Máhttojoavkku bohtosat almmuhuvvojit ja biddjojuvvojit olámuddui máhttovuođđun mearrádusaid dahkkiide.