Sámiráđi dálkkádatraporta digitála almmuheapmi
Sámiráđđi lea ovttas Norggabeal Sámedikkiin ráhkadan raportta dálkkádatrievdamiid birra Sámis man ulbmil lea govvidit dálkkádatrievdamiid ja daid váikkuhusaid sámi kultuvrii, eallinvuohkái ja servodahkii.
GOAS: Miessemánu 3. b. 2023 dii. 18:00
GIELAT: Davvisámegiella, ruoŧa/dárogiella, suomagiella
ČOAHKKINLIŊKA
Searvva Sámiráđi dálkkádatraporta digitála almmuheapmái dálkkádatrievdamiid birra ja daid váikkuhusaid sámi kultuvrii, eallinvuohkái ja servodahkii. Sámeráđi árktalaš- ja birasossodaga jođiheaddji, Gunn-Britt Retter, ovdanbuktá raportta davvisámegillii, ja ovdanbuktin dulkojuvvo dáro-/ruoŧagillii ja suomagillii.
Raporta lea vuođđuduvvon áigeguovdilis dutkamii ja sámi árbediehtiid vásáhusaide ja ovdanbuktá ja analysere movt dálkkádatrievdamat sáhttet váikkuhit Sápmái ja sámi álbmogii. Dása gullet earret eará váikkuhusat lundui, ekovuogádagaide, mentála dearvvašvuhtii, biebmosihkkarvuhtii ja kultuvrralaš heiveheapmái.
Vurke dáhtona, ja loga olles raportta dás.