Sámiráđđi jugii Dalán-doarjagiid

Govas Auri Ahola, guhte oaččui Dalán-doarjaga jagi 2026 nuppi ohcanjorrosis. Aholai juolluduvvui Dalán-doarjja doarjut su oassálastima Õhttsaž sijdd – Oktasaš siida -čájáhusa rahpanvahku prográmmii. Govva: Kevin Francett / Kajastus Creative.

Luuvâ tiäđáttâs anarâškielân tääbbin

Sámiráđđi almmustahtii mannan jagi álggus ođđa doarjjahámi, man namma lea Dalán-doarjja. Dalán-doarjaga nubbi ohcanáigi dán jahkái nogai 10.10.2026. Ohcanáiggi siste bohte 24 ohcamuša oktiibuot 413 334 Norgga ruvnno ovddas. Dán ohcanjorrosis lei juohkin láhkai oktiibuot 150,000 Norgga ruvnno, mii juhkkojuvvui 10 ohccái.

- Dát lei buot buohkanassii juo njealját ohcanáigi Dalán-doarjagii. Mii leat guđege ohcanjorrosis dán guovtti jagi áigge ožžon dássidit ohcamušaid, mii muitala, ahte Sámi dáidda- ja kulturgieddi lea gávdnan min ođđa doarjjahámi. Ohcamušat bohte vuot miehtá Sámi, muhto maiddái ođđa ohccit leat buresboahtin ohcat, gávnnaha Sámiráđi kulturčálli Unna-Maari Pulska.

Dalán-doarjja lea hábmejuvvon doarjut sámi dáidda- ja kultursuorggi vuorddekeahtes, hohpolaš ja dihto áigemearrái čadnojun dáhpáhusain. Doarjaga sáhttet ohcat ovttaskas sápmelaččat, máŋga sápmelačča fárrolaga ja searvvit. Dalán-doarjaga sáhttá oažžut eanemustá 20 000 Norgga ruvnno. Sámiráđi kulturdoarjagiid ruhtada Davviriikkaid ministtarráđđi.

Prošeaktadoarjja-, mátkestipeanda- ja jagi 2026 bargostipeandaohcamušaid ohcanáigi nohká 1.11.2026 23.59 (CET).

Doarjagiid vuostáiváldit:

1. Paul Anders Simma: Nordic nest Sami-German film co-production program summit, 20 000 NOK

2. Auri Ahola: Õhttsaž sijdd – Oktasaš siida -čájáhusa rahpanvahku prográmmii oassálastin, 12 000 NOK

3. Tommi Jama: Stállu-lávdespealu almmustahttinčájáhus, 5 000 NOK

4. Oulu Sámit rs: Nuortalašnissona gahpir- ja bearralduodji -gursa, 20 000 NOK

5. Anna Näkkäläjärvi-Länsman: Oassálastin Folkealarm-dáhpáhussii, 20 000 NOK

6. Elle-Marja Eira: Konsearta, 20 000 NOK

7. Ánndaris Rimpi: Insiders, mátki&orrun, 17 902 NOK

8. Eva Maria Fjellheim: Oassálastin girjealmmuheapmái, 9 266 NOK

9. Ailo Thomassen: GASSKAIDJA, 6 000 NOK

10. Lena Katrine Sokki: Folket på Beskades, 19 832 NOK

Lassedieđut:

Lada Suomenrinne

Kulturlávdegotti ságajođiheaddji

lada.suomenrinne(at)gmail.com

Unna-Maari Pulska

Kulturčálli

unnamaari(at)saamicouncil.net