Sámiráđđi, Sámi allaskuvla, Sámi Duodji - Sameslöjdstiftelsen ja Norwegian Crafts bovdejit olles beaivvi seminárii duoji ja riikkaidgaskasaš vejolašvuođaid birra
Báiki: Sámi allaskuvla, guovdageaidnu
Áigi: 09.00–16.00
Seminára sisttisdoallá ovdanbuktimiid iešguđetlágan sámi duodjeorganisašuvnnain ja -ásahusain das, mot dat barget dujiin ja bovdejuvvon duojáriid jurdagiid sin barggu ja riikkaidgaskasaš vejolašvuođaid birra. Dasa lassin prográmmas leat daid organisašuvnnaid ovdanbuktimat riikkaidgaskasaš arenaid, vejolašvuođaid ja dálá doarjjaortnegiid birra, mat vástidit dáiddaduoji ja sámi duoji riikkaidgaskasažžan šaddamis.
Semináraságastallamiid ja gáfestallanságastallamiid bokte mii háliidit kártet duojáriid iežaset dárbbuid ja jurdagiid riikkaidgaskasaš doaimmaid vejolašvuođain. Sáhtát sáddet dán bovdehusa viidáseappot iežat sámi duodjefierpmádaga eará lahtuide. Maŋimuš beaivi dieđihit seminárii ja orrunsadjái: Golggotmánu 16. beaivve. Maŋimuš beaivi dieđihit seminárii jus ii dárbbaš orrunsaji: Golggotmánu 23. beaivve. Idjadeapmi Thon Hoteallas.
Prográmma
09:00–09:30
Láidesteapmi otna fáddai, Gunvor Guttorm, Sámi Allaskuvla
09:30–10:30
Ovdanbuktimat duodji organisašuvnnaid ja ásahusaid birra ja movt sii barget dujiin
10:30
Boddu
10:45–11:45
Internašunála vásahusat duojárin
11:45–12:30
Beaiveborran
12:30–13:30
Doarjjaortnegat duodjái
13:30
Boddu
13:45–16:00
Ovdanbuktimat ja bargobádji:
Internašunála vejolašvuođat ja arenat, Norwegian Crafts
Sáhtta go buot duoji vuovdit juohkehažžii? Vásahusat duoji čoaggima birra Ruoŧa beale Sámis, Johanna Njaita Sámi Duodji - Sameslöjdstidelsen
Sámi gálvomearkkat ja internašunála gaskkusteapmi, Reetta Tornensis Sámiráđđi
17:00
Eahketmállásat, Thon Hotel Guovdageaidnu