Stuorra eamiálbmot luossadeaivvadeapmi čakčat
Gova: Carl Johan Utsi
Sámediggi Norggas ja Sámiráđđi lágideaba 2nd International Gathering of Indigenous Salmon Peoples čakčat Kárášjogas. Deaivvadeapmái čoahkkanit davveguovlluid luossaálbmogat juohkkin dihte máhtu, vásáhusaid ja digaštallat eamiálbmot hálddašeami.
Loga ođasášši sametinget.no:s
Silje Karine Muotka. Govva: Ørjan Marakatt Bertelsen
Deaivvadeapmái čoahkkanit davveguovlluid luossaálbmogat juohkkin dihte máhtu, vásáhusaid ja digaštallat eamiálbmot hálddašeami.
– Luossabivdu lea giddejuvvon Deanučázadagas jo njealját geasi. Luossanálli lea garra deattu vuolde miehtá davviguovlluid. Mis lea dárbu dakkár deaivvadeapmái gos beassat juohkit dieđuid ja vásáhusaid eará eamiálbmogiiguin, dadjá sámediggepresideanta Silje Karine Muotka.
Eamiálbmot luossahálddašeapmi ja -máhttu
Áslat Holmberg. Govva: Sámiráđđi / Piera Heaika Muotka
– Ođđa guollešládja, ruoššaluossa, uhkida luossajogaid Sámis, ja orru ahte jogaid ekovuogádaga rievdama ii leat vejolaš bissehit. Dát deaivvadeapmi lea buorre liiban oahppat nubbi nuppis eamiálbmotluossahálddašeami ja -máhtu birra, ja maiddái mo mii buoremusat sáhttit ávkkástallat dáinna ođđa guollešlájain, dadjá Áslat Holmberg, Sámiráđi ságadoalli.
2nd International Gathering of Indigenous Salmon Peoples lágiduvvo čakčamánu 30. b – golggotmánu 2. b. Kárášjogas Sámedikkis. Deaivvadeapmái bohtet 80 oasseváldi Sámis, Canadas, USAs ja Ruonáeatnamis. Dát deaivvadeapmi lea čuovvuleapmi vuosttáš International Gathering of Indigenous Salmon Peoples mii lágiduvvui Musqueam-álbmoga eatnamiin, Vancouveris Canadas 2022:s.