Sámiráđi girjjálašvuođa bálkašupmi 2020
Sámiráđđi juohka dán jagi girjjálašvuođa bálkkašumi, ja mánnodaga cuoŋománu 20. Beaivvi lea máŋemus áigemearri sáddet evttohusaid.
Sámirađi girjjálašvuođa bálkašupmi lea juhkkojuvvon juohke nuppi jagi 1994 rajes, ja vuoittit leat earret eará leamašan Rauni Manninen, Niillas Holmberg, Siri Broch Johansen ja Rauni Magga Lukkari.
– Girjjálašvuođa bálkkašumi ulbmilin lea movttiidahttit olbmuid čállit sámegilli, buktit beaggima čálliide ja čálmmustuhttit sámi girjjálašvuođa, dadja Christina Hætta, sámirađi kulturossodaga hoavda.
Bálkkašupmi addo dán jagi mánáide ja nuoraide oaivvilduvvon sámegielat girjái. Sáhtta evttohit sihke romána, drámá, dikta-, novealla- dahje esseijačoakkáldat dohkke nugo maiddái eallingeardi dahje čohkkejuvvon máidnasat.
– Mii sávvat valljivuođa evttohusaid gaska ja hásttit sihke sámi lágádusaid, organisašuvnnaid ja earáid grain beroštupmi evttohit girjiid.
Evttohuvvon girjji originálagiellan (álgogiellan) galgá leat sámegiella, jorgalusat eai váldo vuhtii. Danin go unnitlogu sámegielain almmustuvvet unnán originála girjjit, de sáhttá unnitlogu sámegielaide jorgaluvvon girji maid dohkkehuvvot. Eambbo dieđut evttoheami birra leat Sámirađi ruovttusiddus.
Mii bivdit sáddet evttohusaid maŋimustá 20.04.2020 deike kultuvra@saamicouncil.net