Almmuhus: Mii virgádat hálddáhusčálli – bistevaš ollesáiggevirgi

Govva: Sámiráđđi / Piera Heaika Muotka

Sámiráđđi ohcá áŋgiris ja iešheanalis čálli bistevaš virgái. Mii ohcat olbmo gii háliida leat mielde ovddideamen sámi ovttasbarggu ja servodatovddideami riikarájiid rastá.

---

OHCANÁIGEMEARRI: 30.09.2025

---

Bargobáiki: Ovddemužžan Kárášjogas. Mii sahttit erenoamáš ákkaid vuođul árvvoštallat eará báikkiid. 

Álgin: Farggamusat

Bálká: Šiehtadusa mielde

Sámiráđi váldočálli Áile Jávo vástida jearaldagaide virggi birra, tlf. +47 950 25 926.

Ohcamuš mildosiiguin galgá sáddet Sámiráđđái e-poastta bokte saamicouncil@saamicouncil.net ovdal 30.09.2025.

• Barggut ja ovttasvástádusat

  • Hálddáhuslaš doarjja  

  • Ráhkkaneapmi čoahkkimiidda, dás maiddái gohččumiid ja áššebáhpiriid sádden

  • Beavdegirjjiid čállit ja čuovvulit mearrádusaid 

  • Hálddašit poastta ja čálašeami 

  • Veahkehit jorgalemiiguin, giela dárkkistemiin ja áššebáhpiriid gieđahallamiin

  • Čuovvolit áigemeriid, šiehtadusaid ja mátkiid ordnema

  • Váikkuhit dasa ahte siskkáldas ja olgguldas gulahallan doaibmá bures

  • Bargui gullet muhtin ráje mátkkošteamit 

• Gelbbolašvuođa gáibádusat

  • Hálddašat sámegiela bures, sihke čálalaččat ja njálmmálaččat 

  • Leat oadjebas geavahit eŋgelasgiela bargogiellan 

  • Máhtat ja leat hárjánan geavahit digitála kántorreaidduid 

• Persovnnalaš attáldagat 

  • Mii ohcat du guhte:

  • Leat struktuvrralaš ja dárkil 

  • Leat čeahppi ovttasbargat ja leat luohtehahtti

  • Leat iešheanalaš ja ealljár 

  • Nákcet hálddašit olu iešguđet bargguid oktan ja nákcet doalahit oppalašgeahčastaga

  • Háliidat bargat sámi birrasis sámi áššiiguin 

• Ohcamuš

  Sámiráđi váldočálli Áile Jávo vástida jearaldagaide virggi birra, tlf. +47 950 25 926.

  Ohcamuš mildosiiguin galgá sáddet Sámiráđđái e-poastta bokte saamicouncil@saamicouncil.net ovdal 30.09.2025.

Sámiráđđi lea eaktodáhtolaš, sorjjasmeahttun kultuvrralaš ja politihkalaš ovttasbargoorgána sámi organisašuvnnaide Suomas, Norggas, Ruoššas ja Ruoŧas. Váldoulbmilin lea gozihit sámiid vuoigatvuođaid ja beroštumiid oktan álbmogin ja nannet sámiid oktiigullevašvuođa riikkarájiid rastá. Ráđđi bargá maiddái riikkaidgaskasaččat ovddidit ja suddjet sámiid ja eará álgoálbmogiid vuoigatvuođaid. Das leat njeallje ossodaga: Árktalaš ja birasáššit, olmmošvuoigatvuođat, kultuvra ja EU-áššit.