Gávnnadeapmi 3
GEASSEMÁNU 15–18, 2026
Dát lea Gávnnadeapmi 3
Gávnnadeapmi 3 lea stuorra dáhpáhus sámenuoraide, mas leat bargobájit, kulturdoalut ja ságastallamat. Daid ulbmil lea nannet nuoraid sámi identitehta ja fállat vejolašvuođa ságastallat sin iežaset áššiid birra!
Sámenuorain lea leamaš hui dehálaš sajádat Sámeráđi barggus maŋimuš jagiid. Maŋimus sámekonferánssas jagis 2022 mearriduvvui ahte nuoraid jietna galgá šaddat oassin Sámiráđi guovddaš barggu. Dál lea du vuorru -> vuolgge fárrui ja leat mielde hábmemin sámenuoraid boahtteáiggi!
Gávvnadeapmi 3 lea dievvan.
Dál ii leat šat vejolašvuohta dieđihit iežat.
Konferánssa prográmma gávnnat dás.
Leat rádjejuvvon sajit. Dieđiheapmi geatnegahttá. Váldde oktavuođa minguin jos it šat sáhte oassálastit.
Eanet dieđuid addá prošeaktabargi Janne Hirvasvuopio: janne.hirvasvuopio@saamicouncil.net
Nuoraidkonferánssa maŋŋel lea Sámiid 23. konferánsa (18.6.-21.6.2026). Sámekonferánsa lea rabas buohkaide, muhto orrun ja boradeamit gokčojuvvojit dušše Sámekonferánssa delegáhtaide.
Doaimmat
Prográmma
Prográmmas ovttastahttojuvvojit geavatlaš dáiddut, kultuvrralaš ealáskahttin ja politihkalaš áŋgiruššan. Oasseváldit oassálastet bargobájiide sámi organiseremis, dekolonisašuvnnas ja siidavuogádaga ealáskahttimis Siidaskuvlla bokte. Kultuvrralaš doaimmat leat earret eará duodji, luohti easkka álgiide, njoarostangilvu, lávu ceggen ja lávostallankursa, katrilla dánsunkursa ja kulturprográmma eahkes. Deaivvadeapmi čalmmustahttá maiddái báikkálaš oktavuođaid, earret eará čanastagaid Detnui.
Konferánssa prográmma gávnnat dás.
Nuoraid dievasčoahkkin
Buohkaide oktasaš nuoraid dievasčoahkkin lágiduvvo juohke iđida ovdal eará prográmma. Oassálastin dievasčoahkkimii lea bákkolaš, ja mii dárbbašit du vuolláičállima dán sešuvnnas. Dievasčoahkkima ulbmilin lea hábmet nuoraidcealkámuša Sámiid 23. konferensii (18-21.6). Dán proseassa várás ásahuvvo sierra bargojoavku, mii vástida barggu ovdáneamis ja ovdanbuktá cealkámuša konfereanssa rahpansáhkavuoruin.
Geavatlaš dieđut
-
Beaivi
15.8 - 18.6.2026 (Arrival 14.8, Departure 18.6.)
Nuoraidkonferánssa maŋŋel lea Sámiid 23. konferánsa (18.6.-21.6.2026). Sámekonferánsa lea rabas buohkaide, muhto orrun ja boradeamit gokčojuvvojit dušše Sámekonferánssa delegáhtaide. -
Mátkošteapmi
Mátkkošteapmi konferánsii dáhpáhuvvá ovtta beaivvi ovdal, sotnabeaivvi 14.6.2026.
Sámiráđđi gokčá govttolaš mátkegoluid dáhpáhussii (biilla kilomehterbuhtadusat / bussebileahtat / togabileahtat). Mii ávžžuhit boahtit oktasaš biilasáhtuin. Mátkebileahtat buhttejuvvojit spiehkastagaid haga dušše kuittiid ja boarding pass vuostá. Váldde oktavuođa janne.hirvasvuopio@saamicouncil.net jus dárbbašat girdibileahtaid. Lasit maid du mátkeplána e-postii.
-
Idjadeapmi
Idjadeapmi lea várrejuvvon sotnabeaivvi 14.6. rájes duorastaga 18.6.2026 rádjái.
Du orrunbáiki lea juogo:
1. Camping Lapinkylä. Ringinvatro 14 C, 99980 Ohcejohka
2. Hotelli Utsjoki, Luossatie 4, 99980 OhcejohkaEambbo dieđut idjadansaji birra bohtet maŋŋeleappos e-poasttain. Sámiráđđi gokčá dáhpáhusa oassálastiid orruma.
-
Boradeamit
Sámiráđđi fállá lunššaid ja mállásiid. Juohke iđit leat nuoraidkonferánssas maiddái smávva borramušbihtát ja káffe.
-
Giella
Olles prográmma čađahuvvo eaŋgalsgillii.
-
Báiki
Čoahkkinbáiki: Utsjoentie 48a, 99980 Ohcejohka/Utsjoki
-
Oktavuohta
Janne Hirvasvuopio
EU-advisor
Coordinator for Youth Together for Arctic Futures & Sámi Youth Network+358 50 533 7016
janne.hirvasvuopio@saamicouncil.netIf you have any questions do not hesitate to ask!
