Govven: Carl-Johan Utsi
Sámiid 21. konferánsa
Sámiid 21. Konferánsa lágiiduvvui Tråantes Norggas, guovvamánu 9-11 beaivvi, 2017. Konferánsa lei oassin ávvudeamis vuosttaš Sámi riikkaidgaskasaš čoahkkima muitun, mii lágiiduvvui Tråantes guovvamánu 6. beaivvi 1917. Sámiid 21. Konferánssa fáddán lei "Oktasaš Sápmi". Konferánssa oktavuođas lágiiduvvui maid fáddábeaivi mas ledje badjeleš 400 oasseváldi lassin ahte streamejuvvui NRK Sápmi, SR Samiradio ja Yle Sápmi bokte.
Dás gávnnat Sámiid 21. konferánssa fáttabeaivvi prográmma.
Dás gávnnat fáttabeaivvi logaldalliid listu
Konferánsa válljii Sámiráđi miellahtuid jagiide 2017-2021 ja dohkkehii Tråante julggaštusa ja cealkámušaid mat leat vuođđun Sámiráđi doammaide boahtte njealji jagi.
Konferánssa mearrádusat
Sámekonferánsa vuođđudii válgalávdegotti ja guokte bargojoavkku, ovtta resolušuvnnaide ja nuppi julggaštussii.
Sámekonferánsa dohkkehii 13 resolušuvnna dákkár fáttáin:
Pronomena "son" skandinávalaš gielain
Oahpahus ja čuvgehus
Solidaritehta Standing Rock Sioux Tribe:n
Doarjja "Erklæring fra samhandlingskonferansen for reindrift"
Deanu čázádaga soahpamuševttohus
Cultural appropriation
Iešmearrideapmi sámi boazodoalus
Ráfi leat sápmelaš
Gollegiella
Dutkanetihkka
Vuoigatvuohta hálddašit historjjálaš dutkamušaid bohtosiid
Sámi siviila servodaga ja kulturásahusaid rolla ja dehálašvuohta
Vákšun ja fuomášupmi vuovdečuollamiidda Sámis
Dasa lassin konferánsa mearridii sierra cealkámuša sámi árbevirolaš ekologiija birra.
Tråante julggaštus gieđahallá earret eará dákkár fáttáid:
iešmearrideapmi
Sámiid riekti eatnamiidda, čáziide ja luonddu valljodagaide
Sámi giella, árbevirolaš máhttu ja árbevirolaš sámi ovdanbuktimat
Dás gávnnat visot dokumeanttaid konfereanssas
Fáttábeaivvi ”Oktasaš Sápmi” prográmma
Duorastat guovvamánu 9. b. 2017
Scandic Lerkendal, Tråante
| Dii. 10.00 | Luohti |
|---|---|
| Konferánssa rahpan/ Bures boahtin | |
| -------- | 1. OASSI - SÁMI IEŠMEARRIDEAPMI |
| Dii. 10.05 | Asta Balto: Sámi álbmoga filosofija ja árvovuođđu |
| Mattias Åhren: Mo sáhttá nannet sámi iešmearrideami ovttasbargguin riikkarájáid rastá? | |
| Tuomas Aslak Juuso: Davviriikkalaš Sámesoahpamuša váikkuhusat ja mearkkašupmi Sápmái | |
| Dii. 10.40 | Lávvoságastallan: |
| Matti Berg, Laila Susanne Vars, Veli Pekka Lehtola, Vicky Tauli-Corpuz | |
| Láidesteaddji: Elle Merete Omma | |
| Dii. 11.20 | Káffeboddu |
| Dii. 11.40 | Luohti |
| -------- | 2. OASSI - SÁMI ÁSAHUSAT |
| Dii. 11.45 | Johan Ailo Kalstad: Manin lea dehálaš ahte gávdno oba-Sámi oahpahus |
| Pirita Näkkäläjärvi: Media rolla ja fápmu hukset dahje njeaidit rájaid | |
| Gunn Heatta: Dearvvašvuođaovttasbargu Sámis | |
| Dii. 12.20 | Lávvoságastallan: |
| Elle Ravna, Olga Egorova, Kent Valio, Christina Storm Mienna | |
| Láidesteaddji: Anna Sunna | |
| Dii. 13.00 | Lunša |
| Dii. 14.00 | Luohti |
| -------- | 3. OASSI - SÁMI ORGANISEREN |
| Dii. 14.05 | Eva Josefsen: Jurddašeapmi Sámedikkiid rolla ja organiserema ektui – maid sáhtašii oktasaš Sámediggi čoavdit? |
| Isak Utsi: Scenario: Mo livčče oktasaš Sámediggi doaibmat? Mii lea molssaeaktun js eat bargga dan guvlui? | |
| Mikkel Nils Sara: Sámi organiserenvuogit | |
| Dii. 14.40 | Lávvoságastallan: |
| Aili Keskitalo, Håkan Jonsson, Tiina Sanila-Aikio, Valentina Sovkina | |
| Láidesteaddji: Liv Inger Somby | |
| Dii. 15.20 | Káffeboddu |
| Dii. 15.40 | Luohti |
| -------- | 4. OASSI - KULTUVRA |
| Dii. 15.45 | Ole Henrik Magga: Sámegiella – gollegiella |
| Anna Afanasyeva: Manin lea kulturovttasbargu riikkarájáid rastá nu dehálaš | |
| Sofia Jannok: Kulturaktivismma rolla | |
| Dii. 16.20 | Lávvoságastallan: |
| John Trygve Solbakk, Christina Henriksen, Johan Sandberg McGuinne, Ailu Valle | |
| Láidesteaddji: Harald Gaski | |
| Dii. 17.00 | Čoahkkáigeassu ja jurdagat beaivvis |
| Helena Omma, Rune Fjellheim | |
| Dii. 17.30 | Fáddábeaivi loahpahuvvo |
| Dii. 18.00 | Girjealmmuheapmi ”Sámit Ruoššas” girječálliiguin Nina Afanasieva ja Máret Sárá |
| ČálliidLágádusa bokte | |
| Dii. 20.00 | Sámi álbmoga Gállamállásat ja Sápmi Soaré |