Buhtes Čáhci ja Buorit Buhtisvuođarusttegat
Mihttu lea sihkkarastit ceavzilis čáhcehálddašeami ja ahte čáhci ja buorit buhtisvuođarusttegat leat buohkaide olámuttos.
Stuorámus oasis Sámis lea álbmogis buhtes čáhci álkit olámuttos. Dát sáhttá dattege johtilit rievdat industriija nuoskkidemiin, ja dasa gávdnojit jo dál ovdamearkkat.
Čáhcekvaliteahtta galgá buoriduvvot ovdal 2030 dan bokte ahte nuoskkideapmi geahpeduvvo, heaittihit doappartuvnniid, ja nu guhkás go vejolaš ráddjet nuoskkidit varalaš kemikaliaiguin ja ávdnasiiguin. Sámi eiseválddit ja organisašuvnnat deattuhit dán dávjá, earret eará dalle go lea sáhka ruvkebázahusaid leiket vuonaide, ja ovdamearkka dihte de sáhttá dat leat roassun ekovuogádagaide.
Ovdal 2020 galget ekovuogádagat mat gusket čáhcái suddjejuvvot ja divvojuvvot, ja dasa gullet várit, meahcit, jeakkit, jogat, báktešlájat mat fievrridit čázi ja jávrrit, maiddá Sámis.
