Kuvannut: Carl-Johan Utsi
Sámiráđđi lea juolludan jagi 2020 kulturdoarjagiid
Sámiráđi kulturlávdegoddi lea dál juolludan kulturdoarjagiid ja bargostipeanddaid 2020 várás. Sámiráđi bargostipeanda manái dán jagi ovtta duojárii, juoigái ja govvideaddjái doarjjan sin dáiddalaš bargguide.
Áidna rájakeahtes sámi ruhtadanvuogádat
Sámiráđđi juohká jahkásaččat ruhtadoarjagiid sámi kulturdoaimmaide ja lea áidna rájakeahtes ruhtadanvuogádat mas sámi dáiddáriin ja kulturbargii lea seamma vejolašvuohta ohcat beroškeahtta gos Sámis leat eret. Kulturdoarjaga ulbmil lea nannet sihke árbevirolaš ja ođđaáigásaš sámi kultuvrra ja dáidaga, ja doarjja vuoruha earenoamážit prošeavttaid mat dihtomielalaččat barget olles Sámi perspektiivvas.
Sámi kultuvra ja dáidda sihke ealla ja barga olles Sámis, ja ii dovdda riikarájaid. Seammas láhččojuvvojit doarjjaortnegat riikarájaid mielde mii fas ráhkada stuora erohusaid vuolggasajiin ja eavttuiguin min kulturbargiid ja dáiddáriid gaskka. Dan dihte lea oktasaš kulturruhtadeapmi min mielas hui dehálaš, buot min dáiddariin ja kulturbargiin lea seamma árvu, dadjá Sámiráđi kulturossodaga hoavda, Christina Hætta.
Borgemánu loahpas sáhtte ge sámi dáiddárat ja kulturbargit miehtá Sámi ohcat kulturdoarjagiid 2020 doaimmaide. Sámiráđđi oaččui 82 prošeaktadoarjjaohcamuša ja 37 bargostipeandaohcamuša oktiibuot 12.500.000 NOK ovddas. Sámeráddi oaidná ahte ohcamušat lassánit jagis jahkái, ja erenoamažit vuhttet stuora dárbbu bargostipeandaide.
Nils Johan Labba, Naina Helén Jåma ja Ingá-Máret Gaup-Juuso oččo bargostipeandda
Kulturlávdegoddi juolludii 42 prošeavttaide oktiibuot 1.150.000 NOK. Dasa lassin ožžo golbma áigeguovdilis kulturbargi 200 000 NOK bargostipeandan guhtege. Sii leat Nils Johan Labba (duojár), Naina Helén Jåma (govvideaddji) ja Ingá-Máret Gaup-Juuso (juoigi). Kulturlávdegotti jođiheaddji, Asta Mitkijá Balto, dadjá ahte lei alla dássi ohciid gaska.
Ledje boahtan olu buorit ohcamat miehtá Sámi, erenoamažit ledje boahtan olu buorit bargostipeandaohcamušat, ja vuoruheapmi ii lean álki. Mii diehtit ahte sámis eai leat olu bargistipeandda ortnegat gos sámi kulturbargit ja dáiddarat sáhttet ohcat, ja ahte bargostipeanddat lea dehalaš gáldu ja doarjja dasa ahte bállehit dáiddáriid ovdánahttit dáiddálaš bargguideaset. Mii sávvat min bargostipeanda buktá bargomovtta ja buriid vejolašvuođaid boahtte jáhkai sidjiide geat oččo dan, dadjá Balto.
Sii geat ožžot 2020`is bargostipeandda:
Ingá-Máret Gaup-Juuso: “Luđiiguin buktit oidnosii nissonolbmuid máhtu, saji ja sohkabealdásseárvvu ”
Naina Helén Jåma: “Dokumentation”
Nils-Johan Labba: “Duodji-Giisa”
Prošeaktadoarjagat 2020
| Vuostáiváldi | Prošeavtta namma | NOK |
|---|---|---|
| Khvaschenok Maria | Sami pissyr tuejj | 10 000 |
| AK Log AB, Invisible People Contemporary Dance Company | Ájttega | 40 000 |
| Thomas Marainen | Film about SGS, 40 year anniversery | 30 000 |
| Aimo Aikio | Livđeä ja leu’ddia yhdistävä musiikkiteos | 18 000 |
| Viltaliy Sapelnikov | Solid Crafts Project "Baby Cradle" | 10 000 |
| Sunna Maaret Nousuniemi | Boso mu ruovttoluotta -giehtačállosa ovdanahttin | 30 000 |
| Anna Sapelnikova | Talents of the North | 20 000 |
| ООСМО | Awakening Traditions | 16 000 |
| Thomas Marainen | CD-skearru ohcamus | 15 000 |
| Sáminuorra - svenska samernas riksungdomsförbund | Sáminuorra + UNPFII 2020 | 35 000 |
| Sámi musihkkafestivála | Sámi Grand Prix 2020 | 35 000 |
| Marianne Siri | Čáđáčuovgi čiegusvuođat | 40 000 |
| Ulla Pirttijärvi-Länsman | CD production, SOLJU | 46 000 |
| BeskánLuossaRock 2020 | BeskánLuossaRock 2020 | 25 000 |
| Raasten Rastah | Raasten rastah 2020 | 40 000 |
| Sámi Lávdi - Sami Association of Performing Arts | Sami Performing Arts Institute Part II | 50 000 |
| Sámi dáidaga doarjjasearvi rs | SKÁBMAGOVAT EAMIÁLBMOGIID FILBMAFESTIVÁLA | 60 000 |
| Lisa Katarina Skår | Den Samiske Halvtimen | 25 000 |
| Noereh | Deanuleagi Sápmi Pride 2020 | 40 000 |
| Riddu Riđđu Festivála AS | Circumpolar Hip Hop Collab at United Nations Permanent Forum on Indigenous Issues | 30 000 |
| Kristin Tårnesvik | SKOG- | 30 000 |
| Suvi West | Luonddu fámut -TV-ráiddu giehtačállimii | 30 000 |
| Viktoria Guseva | Immersion | 10 000 |
| Sámi Dáiddačehpiid Searvi | Saami arts festival | 25 000 |
| Marit Carolasdotter | Humans & Soil | 30 000 |
| Johtti Sápmelaččat rs | Heahtá Márjjábeaivvit 2020 | 35 000 |
| Tuula-Maija Magga-Hetta | "Duodji ja daidda ovttas" | 30 000 |
| Peder Niilas Tårnesvik | Niilas i Surround 2019 | 20 000 |
| Riddu Riđđu Festivála as | SÁMI MÁNÁIDFESTIVÁLA 2020 | 40 000 |
| Bágo- Skribent och författarförmedling | JUOIGANOAHPAHUS | 30 000 |
| Lopme Naestie | Sydsamiska kulturdagar v 11 2020 | 30 000 |
| Anára Sámisearvi ry | Ijahis idja 2020 festivála | 40 000 |
| Elin Kåven | Den arktiske alven / The arctic elf | 30 000 |
| Leila Nutti | Boazobeana kurssa | 10 000 |
| Inga Påve Idivuoma | Mearrasámi Pod | 20 000 |
| Dansklacken på Dosan | Dansklacken på Dosan 2020 | 20 000 |
| Anna Näkkäläjärvi-Länsman | Nieguid duovdagat -albuma buvttadeapmi | 45 000 |
| Toivo West | Boares máidnasat digitálahámis | 40 000 |
| Gorchakova Iraida Evdokimovna | Akkala sami clothes - Ahkel sam oasse | 10 000 |
| Yuryeva Marina Polikarpovna | Book, disc "Let the stars shine brighter" | 10 000 |
| Nina Afanaseva | Preparations for the publication of the book "We Remember You, Varzino, Small Homeland" in 2020. | 10 000 |