ALMMUHAN OÐÐA SÁMI GIELLAOAHPPAN ÁPPA
Sámiráđđi leamašan fárus prošeavttas mii lea máŋga jagi bistán buvttadandihtii giellaoahppan áppa, man leat gohčodan IndyLan. Prošeavttas leat ovttasbargoguoimmit miehtá Eurohpa. Dál lea áppa viimmat almmuhuvvon, ja dan sáhttá viežžat nuvttá sihke AppStore ja GooglePlay vuogádagain.
Áppa bokte sáhttet sii geat hállet juogo eŋgelasgiela, spánskagiela, dárogiela, ruoŧagiela ja suomagiela oahppat dáid áitojuvvon gielaid:
Davvisámegiela
Gaelagiela
Skohttagiela
Kornagiela
Baskagiela
Galisiagiela
Mii doaivut ahte dát áppa lea buorre liige veahkkeneavvun sidjiide geat háliidit oahppat davvisámegiela. Áppa heive sihke sidjiide geat eai vuos máhte maidege, ja sidjiide geat juo máhttet veahá, muhto háliidit eanet hárjehaddat, dadjá Áile Jávo Sámiráđis.
Prošeakta álggahuvvui 2019, go lei riikkaidgaskasaš álgoálbmogiid giellajahki. 2022 ges álggahuvvo ON álgoálbmotgielaid logijahki, ja dalle heive ge nu bures go aiddo dán jagi sáhttit almmuhit áppa.
Mii dárbbašat buohkaid sin geat háliidit sámegiela oahppat, leaš go njuovžilis dásis gos árgabeaivvis sáhttet geavahit giela, muhto maiddái dan dásis ahte oba buorre beaivvi ge sáhttet rávkat. Danin leat buot dákkár veahkkeneavvut nu dehálaččat, deattuha Jávo.
Prošeakta lea ruhtaduvvon EU prográmmas Erasmus +.
Prošeavtta ruovttusiidu.
