Arctic Railway gulahallančoahkkin

Sámiráđđï lágida gulahallačoahkkima Arctic Railway plánaid oktavuođas, Anáris bearjadaga čakčamánu 21. beaivvi. Čoahkkin lea rabas buohkaide.

Sámiráđđi bovde bálgosiid, orohagaid, sámedikkiid, organisašuvnnaid ja buohkaid earáid, geat beroštit áššis, Anárii gulahallančoahkkimii Arctic Railway plánaid oktavuođas. Čoahkkin dollojuvvo Sajosis ja álgá diibmu 13.00. Gulahallan galgá addit berošteddjiide vuogasvuođa ovdanbuktit oaivileaset ja dahkat Sámiráđđái vuđđosa árvvoštallat Arctic Railway ruovdemáđija váikkuhusaid sámi ealáhusaide ja kultuvrii ja birrasii. Čoahkkin dulkojuvvo suomagiela, dárogiela, davvisámegiela ja ruoššagiela gaskkas.

PROGRÁMMA:  

Sajos, Anár
Dii. 13.00, bearjadaga 21.09.2018

• Čoahkkima ráhpan 
  Åsa Larsson Blind, Sámiráđi presideanta 

• Arctic Railway prošeakta, duogášdieđut
  Magne Ove Varsi, Sámiráđi olmmošvuoigatvuođaossodaga hoavda 

• Suoma Sámedikki searvan, oaidnu ja plánat
  Tiina Sanila Aikio, Suoma Sámedikki ságajođiheaddji 

• Nuorra boazodoalli jurdagat
  Anni Saara Aikio 

• Mo ruovdemáđii čuozašii Muttošjávrri bálgosii
  Osmo Seurujärvi 

• Juridihkalaš ja internationála váikkuhanvejolašvuođat
  Dr Mattias Åhren, Sámiráđi láhkačeahppi 

• Mo Norgga Sámediggi bargá áššiin
  Aili Keskitalo, Norgga Sámedikki presideanta 

• Ruovdemáđii váikkuhusat lundui
  Tero Mustonen, dutki 

• Vásáhusat Ruoŧa bealde Sámis
  Per Olof Nutti, Ruoŧa Sámedikki stivraságadoalli

• Ságastallan
  -  Makkár oainnut leat Arctic Railway plánaid ektui sis geaidda plánat njuolga váikkuha?
  -  Mo sáhttet Sámiráđđi, Sámedikkit, organisašuvnnat ja earát váikkuhit plánaide?
  -  Mo sáhttit buoremusat gulahallat ja ovttasbargat ovddasguvului?