Dál sáhttá ohcat Sámiráđi kulturdoarjagiid jahkái 2022!
Sámiráđđi bovde Kultur-Sámi ohcat kulturdoarjagiid jahkái 2022. Doarjagat, maid sáhttá ohcat, leat prošeaktadoarjja, mátkestipeandda dahje bargostipeanda. Sámiráđđi doarju sihke árbevirolaš ja ođđaáigásaš kulturdoaimmaid.
Kulturdoarjagiid ohcanáigemearri lea 1.10.2021 dmu 23:59 (CEST). Oza doarjagiid neahtas elektrovnnalaš ohcanskoviin. Mii ávžžuhit lohkat Sámiráđi ođasmahttojuvvon kulturdoarjjanjuolggadusaid ovdal ohcamuša dahkama. Ohcamuša gánnáha válmmaštallat sierra dokumentii ovdagihtii, daningo ohcanbálvalusas ii leat vejolaš vurket vástádusaid dađitaga go čállá.
Sámiráđi kulturlávdegoddi mearrida kulturdoarjagiid juohkimis jagi 2021 loahpas.
Oza doarjagiid dás.
