Sámi nuoraide biologalaš girjáivuođa bargobádji
Ođđa vejolašvuođat olbmuide ja lundui
Duorastaga skábmamánu 26. beaivvi dii. 17.30- 19.30
Buorit sámenuorat,
Makkár lea du oktavuohta lundui?
Eatnamis leat vuordimis fas olu šlájat jávkamin. Nu olu go miljovnna šaddo- ja eallišlájat leat áitaga vuolde. Mii orrut árktalaš guovllus, gos dálkkádatrievdan ja industriija uhkidit biologalaš girjáivuođa ja ráddjejit luonddu.
Árbevirolaš sámi boazodoallu dáistala ruvkeindustriija hástalusaiguin ja vásiha sihke liegga dálvvi ja vel lieggasut geasi vahátlaš váikkuhusaid. Árbevirolaš sámi guolásteapmi vásiha ođđa guollešlájaid bahkkema árktalaš čázádagaide, nugo dáhpáhuvvá miehtá máilmmi.
Dáid sániid mielde mii hálidit bovdet du bargobádjái gos gieđahallat máilmmiviidosaš soahpamuša olbmuin, luonddus ja biologalaš girjáivuođas.
Miessemánus 2021 Ovttastuvvon Našuvnnaid biologalaš girjáivuođasoahpamuš (CBD) áigu ovddidit doaibmaplána bissehan dihtii biologalaš girjáivuođa vátnuma (post-2020 biologalaš girjáivuođa rámmat). Dát lea dego biologalaš girjáivuođa Pariisa soahpamuš.
Bargobájis ságastallat biologalaš girjáivuođa heahtedilis ja váikkuhanstrategiijaide sámenuoraid geahččanguovllus. Mo dát biologalaš girjáivuođa heahtedilli váikkuha dutnje ja du servodahkii ja maid mii sáhttit dahkat dan buorideami ektui?
Dát bargobádji lea oassin davviriikkalaš prošeavttas, man Davviriikkalaš Ráđđi lea ovddidan ovttasbarggus Sámiráđiin ja man ulbmilin lea váldit nuoraid jienaid fárrui boahtti CBD-rámmaide. Davviriikkalaš nuorat váldet du ávžžuhusaid fárrui go galget ráđđádallat ON rámmaid.
Prográmma - Sámi nuoraide biologalaš girjáivuođa bargobádji
Duorastaga skábmamánu 26. beaivvi 2020
FUOM: Norgga/ Ruoŧa áigi.
17.30- 17.35: Bures boahtin, álggaheapmi
17.35- 17.50: WWF Sverre Lundemo ovdanbuktá biologalaš girjáivuođa heahtedili
17.50- 18.10: Joavkoságastallamat biologalaš girjáivuođa vátnun ja dasa gullevašvuođa.
gažaldagat bargoneavu 1. ja 2. osiin
18.10- 18.15: Oanehis oktasaš čoahkkáigeassu
18.15- 18.25: Boddu
18.25- 18.40: Sámi ovddasteaddji ovdanbuktin
18.40- 19.00: Joavkoságastallamat nuoraid oassálastimis ja váikkuheamis
gažaldagat bargoneavu 3. ja 5. osiin
19.00- 19.05: Oanehis čoahkkáigeassu ságastallamiin
19.05- 19.10: Aslak Holmberg ovdanbuktin
19.10- 19.15: Suoma birasministera ovdanbuktin
19.15- 19.30: Gažaldagat politihkáriidda ja bargobáji čoahkkáigeassu
19.30- 20.00: Hábmet bargobáji raportta.
Rahkkanandihte mii ávžžuhat du lohkat bargoneavu 1. ja 3. osiid ja jurddašallat gažaldagaid mat dasa gullet. Loga áinnas eanet jus leat beroštuvvan: https://www.norden.org/en/publication/ovttas-globala-siehtadusa-guvlui-lundui-ja-olbmuide
Mii illudat dutnje deaivvadit! Don fertet registreret bargobádjái dán skovi bokte:
