Dalán-doarjaga sáhttá fas ohcat
Govas Annamáret Näkkäläjärvi-Länsman, gii oaččui Dalán-doarjaga jagi 2025. Näkkäläjärvi Länsmanii juolluduvvui Dalán-doarjja, mii attii sutnje ja su musihkkajovkui vejolašvuođa doallat showcase-konseartta Tallinn Music Week -dáhpáhusas. Ánnámáret-joavku lei ožžon bovdehusa boahtit loaiddastit dáhpáhusa Folktronika-ollisvuođas. Govvejeaddji: Kerttu Kruusla.
Sámiráđđi lea rahpan Dalán-doarjaga vuosttaš ohcanjorrosa jahkái 2026 ja bovde sámi dáidda- ja kultursuorggi ohcat doarjagiid. Dalán-doarjaga sáhttá ohcat Sámiráđi neahttasiidduin elektrovnnalaš ohcanskoviin 26.4.2026 dii 23:59 (CEST) rádjái. Dalán-doarjaga njuolggadusaide sáhttá oahpásnuvvat Sámiráđi neahttasiidduin.
Dalán-doarjaga ohcanáigi lea álgán. Oza doarjaga maŋemustá 26.4. dii 23:59 (CEST) rádjái.
- Dalán-doarjja lea Sámiráđi ođđaseamos doarjjahápmi, mii almmustahttojuvvui diibmá. Dalán-doarjja lea leamaš hirbmat bivnnut, mii muitala ahte dákkár doarjagii lea Sámis dárbu, gávnnaha Sámiráđi kulturčálli Unna-Maari Pulska.
Mii Dalán-doarjagiid?
Dalán-doarjja ásahuvvui jagi 2025. Dat lea hábmejuvvon doarjut sámi dáidda- ja kultursuorggi vuorddekeahtes, hohpolaš ja dihto áigemearrái čadnojun dáhpáhusain. Dalán-doarjaga sáhttá oažžut eanemustá 20 000 NOK. Dalán-doarjja ii juolluduvvo investeremiidda, iige doaimmaide, mat leat juo ollašuvvan.
Sámiráđđi juohká Dalán-doarjagiid lassin prošeaktadoarjagiid, mátkestipeanddaid ja jagi guhkkosaš bargostipeanddaid. Jahkásaš doarjagiid ohcanáigi rahpasa giđa loahpageahčen ja nohká 1.11.2026. Buot kulturdoarjagiid juohkimis mearrida Sámiráđi kulturlávdegoddi.
Lassedieđut:
Unna-Maari Pulska
Sámiráđi kulturčálli