Dalán-doarjaga sáhttá ohcat 10.10.2026 rádjái
Dalán-doarjaga sáhttá ohcat elektrovnnalaš ohcanskoviin 10.10.2026 dii 23:59 (CEST) rádjái. Govva: Sámiráđđi
Sámiráđđi lea rahpan Dalán-doarjaga nuppi ohcanjorrosa jahkái 2026. Dalán-doarjaga sáhttá ohcat Sámiráđi neahttasiidduin elektrovnnalaš ohcanskoviin 10.10.2026 dii 23:59 (CEST) rádjái. Dalán-doarjaga sáhttá oažžut eanemustá 20 000 NOK. Dalán-doarjaganjuolggadusaide sáhttá oahpásnuvvat Sámiráđi neahttasiidduin.
- Dalán-doarjaga ulbmil lea doarjut min dáiddáriid ja kulturbargiid duohtandahkat vejolašvuođaid maidda dárbbašit doarjaga heahkka. Dat sáhttá leat ovdamearkka dihte servan festiválii, konsertii, čájáhussii, gursii dehe eará kulturdáhpáhussii, masa ii leat vejolaš ohcat ruhtadeami eará sajis, dadjá Sámiráđi kulturčálli Unna-Maari Pulska.
Jagi 2027 dorjagiid ohcanáigi maid rabas 1.11.2026 rádjái
Sámiráđis lea rabas bárrásii maid jagi 2027 kulturdoarjagiid ohcanáigi. Jahkásaš doarjagiid ohcanáigi nohká 1.11.2026 dii 23:59 (CET). Jahkásaš doarjagat leat prošeaktadoarjagat, mátkestipeanddat ja bargostipeanddat. Buot kulturdoarjagiid juohkimis mearrida Sámiráđi kulturlávdegoddi.
Lassedieđut:
Unna-Maari Pulska
Sámiráđi kulturčálli
unnamaari(at)saamicouncil.net