Dutkanetihka bargobádji
Sámiráđđi ovttas Sámi allaskuvllain bovdejit sámi akademiija, Sámedikkiid, dutkanráđiid ja dutki berošteddjiid bargobádjái skábmamánu 22. ja 23. beivviid 2022. Ulbmil lea ahte mii ovttas digaštallat dutkanetihka Sámis ja vejolaš boahtte lávkkiid oktasaš ehtalaš njuolggadusaid hápmemis.
Prográmma ja dieđut mo oasálastit gávnnat Sámi allaskuvlla neahttasiiddus.
Duogáš bargobádjái lea ahte Sámiráđi Áslat Holmberg lea čállán digaštallančállosa "Working towards ethical guidelines for research involving the Sámi". Čállosis čujuhuvvo iešguđetge bargguide mat dán rádjái leat dahkkon dutkanetihkka ektui Sámis, oanehis čilgehus makkár sullasaš barggut leat čađahuvvon muhtin eará álgoálbmotguovlluin ja mo oamastanvuoigatvuođat ja iešmearrideapmi maiddái guoská dutkansuorgái. Loahppaoasis leat evttohusat mo viidásat bargat dáinna áššiin.
Sámiráđđi váldá vuostá čálalaš mearkkašumiid ja evttohusaid ovdal 15.11.2022. Sádde daid e-boastta bokte Rune Fjellheimii.
