Oza EU-Sámi Nuoraid Idea Lab!
Sámiráđđi ohcá guhtta nuora gaskal 18 ja 30 jagi geat galget searvat EU-Sámi nuoraid Idea Lab guovddáš joavkui.
Nuorat leat guovddážis sihke EU ja Sámiráđi bargguin. Sámiráđđi lea ožžon doarjaga Eurohpakommišuvnnas álggahit EU-Sámi nuoraid Idea Lab prošeavtta. Idea Lab prošeavtta ulbmil lea hukset gelbbolašvuođa sámenuoraid gaskkas EU birra ja fállat sidjiide vejolašvuođa searvat smiehttat čovdosiid mo sin jietna gullošii buorebut EU vuogádagas. Prošeavtta boađus galgá leat ávžžuhus sámenuorain das mo EU sáhttá lasihit sámenuoraid oassálastima EU mearrádusain.
Guovddáš joavkku barggut:
Searvat online čoahkkimiide joavkkuin sullii oktii mánus
Searvat golbma fysalaš čoahkkimiide (Brusselis geassemánu 20.-22., nubbi čoahkkin 2022 čavčča, ja goalmmát čoahkkin 2023 giđa)
Čállit veahkkin loahppačállosa EU nuoraid politihka birra
Veahkkin lágidit rabas bargobájiid sámenuoraide
Mii ohcat sámenuora gii:
Lea gaskal 18 ja 30 jagi
Berošta EU fáttáin ja háliida oahppat EU-Sápmi oktavuođa birra
Lea sáhkki oahppat mo sáhttit lasihit sámenuoraid searvama EU mearrádusain
Máhttá gulahallat eŋgelasgillii.
Maid mii fállat:
Don beasat oahppat eambbo EU vuogádaga ja EU nuoraid politihka birra
Beasat váikkuhit Sámiráđi EU nuoraidstrategiijačállosa
Hukset fierpmádaga sámi nuoraiguin ja earáiguin
Mátkkoštit EU-Sámi vahkkui Brusselis geassemánus 2022
Oaččut bálkka go searvvat čoahkkimiide ja mii gokčat mátkegoluid
Gelbbolašvuohta:
Mii eat gáibit makkárge earenomáš gelbbolašvuođa. Mii bovdet sámenuoraid buotlágan duogážiin ja oahppodásiin ohcat. Dehálamos lea ahte dus lea beroštupmi ja áigi dán doibmii. Dán doaimma sáhttá ovttastahttit iežas oahpuiguin dahje bargguiguin.
Mo ozat:
Deavdde ohcanskovi ovdal miessemánu 15. beaivve dii. 23.59.
Geahča skovi gažaldagaid dás:
Olles namma:
Riegadanbeaivi:
Eboasta:
Telefonnummir:
Gos orut ja gos leat eret?
Dála doaimmat:
Skuvlejupmi:
Bargo- dahje eaktodáhtolaš vásáhus:
Motivašuvdna: Čále 200-300 sáni das manne don ozat ja manne don heivet láhttuin dán prošeavttas.
Jus leat gažaldagat, váldde oktavuođa:
