Eva Maria Fjellheim Snåases/Rosses lea virgáduvvon bargat dutkamiin
Sámiráđđi lea virgádan Eva Maria Fjellheim EU ossodahkii gos son galgá bargat dutkanfáttáiguin.
Fjellheimas lea mastergráda ovdánahttinfágas ja lea válbmeme doavttergráda eamiálbmotoahpus. Sus lea viiddis duogáš eamiálbmotbargguin sihke sámis ja Latiidna-Amerihkás, ja lea erenoamážiid bargan eamiálbmot eatnanrivttiiguin ja rogganindustriija riidduiguin. Fjellheima doavttergrádadutkamuš guorahallá ruoná kolonialisma ja bieggaindustriija vuostálastima sámi guovlluin.
“Mun beroštan eamiálbmogiid dekolonialiseren barggus, earenomážiid gáhttemis min eatnamiid ja eallinvugiid. Dutkan lea okta máŋggain reaidduin sápmelaččat ja eamiálbmogat sáhttet geavahit bargat iešmearrideami ovddas ja beassat eret koloniála vearrivuođain. Mun illudan bargat dan ovddas ahte mii rievdadit dutkansuorggi rámmaid, bargomálliid ja oktavuođaid dan ovddas ahte dutkan árvvusatná min máhtu, min dárbbuid ja min vuoigatvuođaid”, dadjá Fjellheim.
