Leat go dus evttohusat Sámiráđi gudnebálkkášupmái?
Sámiráđđi bovde dál buohkaid buktit evttohusaid 2021 Sámiráđi gudnebálkkášupmái! Ovddit gudnebálkkášupmi geigejuvvui 21. sámekonferánssas Tråantes 2017:s Ole Heanddarat Maggai.
Buohkain lea vejolašvuohta evttohit gii ánssášivčče bálkkášumi, ja sáhttá vaikko gean evttohit: Gudnebálkkašupmi addo olbmui, organisašuvdnii, searvái dahje lágádussii, mii áŋggirda sámi álbmoga buorrin ja danin ánssáša gudnebálkkašumi.
Bargu sáhttá leat omd. dakkár, mii:
nanne sámi álbmoga oktiigullevašvuođa ja oktasašvuođa
veahkeha sámiid gáhttet árbevieruid, eallinvuogi, jurddašanvuogi, giela ja eará vuoiŋŋalaš árbevieru
seailluha ja ovddida bajábeal namuhuvvon diliid maiddái ođđaáigge servodagas
Gudnebálkkášumi geigendilálašvuohta lea sámiids 22. konferánssa oktavuođas, Jielleváris, 28.-31.10.2021. Áigemearri buktit evttohusaid lea guovvamánu 19. b. 2021.
Sámiráđi gudnebálkkášumi ovddeš vuoitit – ovdamearkkat:
1985 Áillohaš - Nils-Aslak Valkeapää
1987 Iver Jåks
1992 Mari Boine
1993 Nina Afanasjeva
2008 Susanna Angéus-Kuoljok
Evttohusaid oktan ákkastallamiin sáhtat dáinna skoviin sáddet: