Sámiráđđi lea virgádan Karin Nutti Pilflykt Váhčiris eret ođđa mielbargin EU-ossodahkii
Read in English Läs på svenska
Sámiráđđi lea virgádan Karin Nutti Pilflykt mielbargin EU-ossodahkii gos son galgá erenoamážit bargat vuovdeáššiiguin. Karinis lea bacheloroahppu vuovdehálddašeamis ja magisteroahppu eana- ja birasrievttis. Son lea maid dál čállime masterčállosa jeagilguohtumiid ja vuovdedoalu hástalusaid birra.
“Mun lean bajásšaddan boazodoallubearrašis Ruoŧabealde, Sirges čearus, nu ahte luondduhálddašeapmi ja eanavuoigatvuođat leat álo leamašan dehálaš oasit mu eallimis. Dál illudan bargagoahttit dáid áššiiguin Sámiráđis”, dadjá Nutti Pilflykt.
