480 oasseváldi ja badjel 50 lágideami: Lávdan Sámi Arena lea lihkostuvvan
Badjel 480 oassálasti ledje čoahkkanan vuosttaš Lávdan Sámi Arena doaluide, ja badjel 50 lágideami lágiduvvojedje Lávdan, KulturSápmi ja DutkanSápmi-Dieđavahkku oktavuođas. Vahkku lei ollu oahppan ja oktavuođaid nannen rastá surggiid ja riikkarájáid, mii lea čájehuvvon leat lihkostuvvan ja dárbbašlaš deaivvadanbáikin.
Govva: Sámiráđđi / Piera Heaika Muotka
Per Olof Nutti, Sámiráđi presideanta
Govva: Sámiráđđi / Piera Heaika Muotka
"Lávdan mearkkaša leahkit čoahkis, muhto duvdit ollu suodjaluvvon guovllu, ja gos ieš beasat ollašuhttit iežat dárbbuid. Dat lea vuoigŋa mii lea leamaš dán vahkus, iešguđetlágan doalut leat leamaš miehtá Guovdageainnu," lohká Sámiráđi presideanta Per Olof Nutti.
Badjel 50 lágideami leat lágiduvvon, lassin KulturSápmái ja DutkanSápmi-Dieđavahkkui maid iešguđetlágan organisašuvnnat ja ásahusat leat lágidan. Lávdan Sámi Arena čohkkii 24 ovttasbargoguoimmi doallat sešuvnnaid, panelaságastallamiid ja digaštallamiid. Sin buvttuin leat dehálaš fáttát nugo dearvvašvuohta, sohkabealli, eamiálbmogiid vuoigatvuođat ja sihkarvuohta váldojuvvon ovdan Lávdan Sámi Arenas. Lea maiddái leamaš viiddis kulturprográmma mii lea čájehan iešguđet guovlluid sámi kulturovdanbuktimiid.
Erenoamážit giitit Sámi Allaskuvlla ovttasbarggu ovddas DutkanSápmi-Dieđavahkuin, ja Beaivváža gii lea leamaš guossoheaddji dán jagáš KulturSápmi doaluid.
“Áŋgiruššan maid oassálastit leat čájehan, čájeha ahte dárbbašuvvojit deaivvadanbáikkit gos sámi servodat sáhttá deaivvadit rastá gielddaid ja riikkarájaid. Áššit mat váikkuhit ovtta sektuvrii leat dávjá eará sektuvrrain maid, dahje riikkarájáid eará bealde. Lávdan Sámi Arena lea leamaš báiki gos sáhttet ságastallat ja digaštallat mat njeaidet dáid rájáid,” loahpaha Nutti.
Lassedieđut:
Åsa Larsson Blind
asa@saamicouncil.net
+46 70 254 33 56