Virgealmmuhusat: Sámiráđis 2 rabas virggi
Sámiráđi birra
Sámiráđđi lea Suoma, Norgga, Ruošša Federašuvnna ja Ruoŧa sámi organisašuvnnaid eaktodáhtolaš ja iešráđálaš kulturpolitihkalaš ja politihkalaš ovttasbargosearvi.
Sámiráđi váldoulbmilin lea gohcit sámiid vuoigatvuođaid ja beroštumiid oktan álbmogin, ja nannet sámiid oktiigullevašvuođa riikkarájáid rastá oktan álbmogin. Sámiráđđi bargá maiddái riikkaidgaskasaččat sápmelaččaid ja eará eamiálbmogiid beroštumiid ja vuoigatvuođaid ovdii. Sámiráđis leat njeallje temáhtalaš ossodaga: Árktalaš – ja birasáššiid ossodat, olmmošvuoigatvuođaossodat, kulturossodat ja EU ossodat.
Barggut
Mii ohcat dál bargiid guovtti virgái:
Kulturčálli: Mii ohcat sealgilis olbmo geas lea beroštupmi ja gelbbolašvuohta ovddidit sámi kultuvrra riikarájáid rastá. Máhttu sámi servodaga birra ja erenoamážit kultuvrra fágasuorggis deattuhuvvojit.
Gulahallanráđđeaddi: Mii ohcat olbmot gii sáhttá doaimmahit Sámiráđi gulahallandoaimmaid. Dása gullá sihke siskkáldas ja olgguldas gulahallan, ja ohcat olbmo gii lea bures hárjánan geavahit iešguđdetge ođđaáigásaš gulahallanreaidduid ja máhttá muhtin grafálaš ovdanbuktima. Teknihkalaš dáiddut deattuhuvvojit. Virgi eaktuda ahte bures dovdá sámi servodaga.
Rájáhis geahččanguovlu lea vuođđojurddašeapmi mii gullá olles Sámiráđi doibmii. Nu maiddái ovttasbargu eará álgoálbmogiiguin. Dát eaktuda ahte bargit doibmet viidát. Goappašaga virggiide gullet maid hálddáhuslaš barggut, prošeaktabargu ja áššemeannudeapmi. Galgá bures máhttit sihke iešheanálaččat bargat ja ovttasbargat earáiguin.
Gielladáidu
Virgi gáibida ahte ohcci hálddaša bures eŋgelasgiela lassin ovtta davviriikkalaš váldogiela ja millosepmosit maid sámegiela. Lea buorre jus ohcci dasa lassin máhttá ruoššagiela.
Eará gelbbolašvuohta
Diehtu Sámi servodaga birra deattuhuvvo. Dasa lassin deattuhat fágalaš gelbbolašvuođaid, ovttasbargo- ja gulahallandáidduid, dás maid čálalaš ovdanbuktindáidu. Mii ohcat maid olbmo gii lea iešheanálaš, mearrediđolaš ja doaimmalaš.
Muđuid
Bálká ja álgin šiehtadusa mielde. Eanet dieđuid virggi ektui addá Sámiráđi váldočálli Áile Jávo, tlf. +47 950 25 926.
Ohcamuš oktan mildosiiguin sáddejuvvo Sámiráđđái saamicouncil@saamicouncil.net ovdal 31.01.2021.
