Sámiráđđi lágida golbma webinára sámenuoraide biras áššiin
Sámis mii vásihat johtilis dálkkádatrievdama ja min uhkida lassánan industrialiseren. Riikarájáid rastá mii vásihat seamma sullasaš áššiid. Sámiráđđi háliida bovdet sámenuoraid golbma oanehis bargobádjái buktit sin oainnuid iešguđetlágan prošeavttaide mat leat jođus Sámiráđis ja láhčit deaivvadanbáiki gos sámenuorat sáhttet fámuidahttit nubbi nuppi.
Vuosttaš bargobádji lea CLEO bargoneavvus mainna sáhttá registreret dieđuid das mii iežas birras dáhpáhuvvá. Dát bargoneavvu lea beaggán Alaskas ja lea geavahuvvon eanemusat dálkkádatrievdama áicamii. Gažaldat leage sáhttitgo mii geavahit dán bargoneavvu Sámis?
Nubbi bargobáji fáddá lea ruskkaid hálddašeapmi ja plastihkka ruskkat. Sámiráđđi háliida juohkit dieđuid min prošeavttas ruskkaid hálddašeames Guoládatnjárggas. Gažaldat lea sáhttitgo geavahit dán prošeavtta dieđuid maiddái eará guovlluin Sámis?
Maŋimuš bargobádji lea birasváttisvuođain miehtá Sámi. Mii háliidat bovdet nuoraid servviid miehtá Sámi juohkit dieđuid das man birra sii leat bargamin ja maid Sámiráđđi sáhtášii bargat álkidahttin dihte sámenuoraid ovttasbarggu riikka rájáid rastá.
Prográmma - CLEO bargobádji
Ođđajagimánu 13. b., 2021
Fuom: Áiggit leat Norgga/Ruoŧa áiggis:
17.30- 17.35: Buresboahtin, Oanehis láidesteapmi
17.35- 17.50: Biras
17.50- 18.10: CLEO prošeavtta čilgen.
18.10- 18.15: Oanehis boddu
18.15- 18.30: CLEO Sámis
18.30- 1900: Joavkoságastallan: Mo sáhttit geavahit CLEO bargoneavvun Sámis?
Prográmma - Ruskkaid hálddašeapmi -bargobádji
Ođđajagimánu 27. b., 2021
Fuom: Áiggit leat Norgga/Ruoŧa áiggis:
17.30- 17.35: Buresboahtin, Oanehis láidesteapmi
17.35- 17.55: Kola Waste prošeakta.
17.50- 18.10: Dearvvasvuođaváttisvuođat oktavuođas bázahusváttisvuođaide
18.10- 18.15: Oanehis boddu
18.15- 18.30: Plastihkka ruskkat, sihke mearain ahte eatnamiin.
18.30- 1900: Joavkoságastallan: Mo sáhttit ávkašuvvat Kola waste prošeavtta vásáhusain Sámis?
Prográmma - Birasfierpmádat sámenuoraide
Guovvamánu 16. b., 2021
Fuom: Áiggit leat Norgga/Ruoŧa áiggis:
17.30- 17.35: Buresboahtin, Oanehis láidesteapmi
17.35- 17.50: Riikka rájáid rasttildeaddji birasfierpmádaga givrodat
17.50- 18.00:
18.00- 18.10: Oanehis boddu
18.10- 18.30: Oanehis ovdanbuktimat sámenuoraid servviin
18.30- 1900: Joavkoságastallan: Mo sáhttit geavahit juohke ovtta dieđu ja máhtu buoremus vuogi mielde?
