“Ruoktu Residency” kultur-Sápmai
Sámiráđđi bovde sámi kulturbargiid ja dáiddáriid ohcat 3 mánnosaš ruovttu residency bargo stipeandda. Ja du ruoktu, lea nu movt Áillohaš dadja “mu váimmus ja dat johtta mu mielde”.
Koronavirusa panpandemija lea hástalan maiddai kultur-Sámi ja rádjen vejolašvuođaid sihke bargat ja deaivvadit giddejuvvon rájáid geažil. Mii sávvat ahte “Ruoktu residency” adda áiggi ovdanahttit ođđa jurdagiid, ođasmahttit du bargovugiid ja dáiddálašvuođa.
Dán residency bokte mii maiddai háliidit addit dutnje vejolašvuođa bargat ovttas eará kulturbargiin ja dáiddáriguin sámis. Lea davja dehalaš oassi artistta residency digaštallat dáiddáriiguin seamma ja iešguđet artistasurggiin. Lea movttidahtti go diehta ahte earát leat maiddai barggame seamma áiggis go don, jurddašeame, praktisereme ja geahččaladdame. Ruoktu residencyas dát ovttasbargu olahuvvo digitála deaivvadanbáikkit bokte, gos riikarájáid gidden ii váikkut min. Váhkkosaš gáfestallamat, bargguid ovdanbuktimat, lohkan joavkkut ja chat ságastallamat addet sávvamis dovddu ahte leat oassin stuorit residency joavkkus.
Sámiráđđi juolluda 5 “Ruoktu Residency” bargostipeandda 2021 giđđii. Mii juohkit guokte bargostipeandda ruošša bealde Sápmai ja golbma stipeandda norgga, ruoŧa ja suoma bealde Sápmai.
Ruoktu residency bargostipeanda dáiddáriidda ja kulturbargiide Ruoŧa, Suoma ja Norgga bealde lea 90.000 NOK.
Ruoktu residency bargostipeanda dáiddáriidda ja kulturbargiide Ruošša bealde lea 30.000 NOK.
Ruoktu Residency čađahuvvo njukčamánu 1. beaivvis miessemánu 31. beaivái.
Sádde ohcamuša ovdal gaskaija čakčamanu 7 beaivvi 2020.
