Leat go dus evttohusat Sámiráđi gudnebálkkášupmái?
Kristina Utsi válddii vuostá Sámiráđi gudnebálkkašumi Sofia Jannoka ovddas. Govva: Sámiráđđi / Kristoffer Hætta
Sámiráđđi bovde dál buohkaid buktit evttohusaid 2026 Sámiráđi gudnebálkkášupmái! Ovddit gudnebálkkášupmi geigejuvvui 22. sámekonferánssas Váhčiris 2022:s Sofia Jannokii.
Buohkain lea vejolašvuohta evttohit gii ánssášivčče bálkkášumi, ja sáhttá vaikko gean evttohit: Gudnebálkkašupmi addo olbmui, organisašuvdnii, searvái dahje lágádussii, mii áŋggirda sámi álbmoga buorrin ja danin ánssáša gudnebálkkašumi.
Áigemearri buktit evttohusaid:
Juovlamánu 1. b. 2025
Bargu sáhttá leat omd. dakkár, mii:
nanne sámi álbmoga oktiigullevašvuođa ja oktasašvuođa
veahkeha sámiid gáhttet árbevieruid, eallinvuogi, jurddašanvuogi, giela ja eará vuoiŋŋalaš árbevieru
seailluha ja ovddida bajábeal namuhuvvon diliid maiddái ođđaáigge servodagas
Gudnebálkkášumi geigendilálašvuohta lea sámiid 23. konferánssa oktavuođas, Ohcejogas, 15.-21.06.2026. Áigemearri buktit evttohusaid lea juovlamánu 1. b. 2025.
Sámiráđi gudnebálkkášumi ovddeš vuoitit – ovdamearkkat:
1985 Áillohaš - Nils-Aslak Valkeapää
1987 Iver Jåks
1992 Mari Boine
1993 Nina Afanasjeva
2008 Susanna Angéus-Kuoljok
Evttohusaid oktan ákkastallamiin sáhtat dáinna skoviin sáddet: