Sámiráđđi lea nammadan ođđa kulturlávdegotti
Sámiráđi kulturlávdegotti ođđa ságajođiheaddji Lada Suomenrinne.
Sámiráđđi lea nammadan ođđa kulturlávdegotti jagiide 2025–2026. Ođđa kulturlávdegoddi lea doaibmagoahtán jagi 2025 álggus. Ođđa ságajođiheaddjin álggaha njuorggánlaš Lada Suomenrinne, guhte ovddasta lávdegottis Sámi filbmabargiid searvvi. Kulturlávdegotti eará lahtut ođđa bajis leat Magnus Anttaris Tuolja (Sámi Duodji – Sameslöjdstiftelsen), Arne Nerås Joma (Duodjeinstituhtta) ja Petra Laiti (Sámiráđđi). Várrelahtut leat Áile Aikio (Sámi Duodji ry), Sara Helén Persson (Álggugåhtie), Heaika Hætta (Sámi komponisttat) ja Vidar Andersen (Sámiráđđi).
Ođđa ságajođiheaddji illuda ođđa doaimmas: - Lean iežan dáiddarkarrieara álggu rájes leamašan beroštuvvan sámi dáiddamáilmmis ja dan erohusain oarjemáilmmi dáiddamáilmmi ektui. Mun sávan, ahte ságajođiheaddjin beasan oaidnit ođđa vejolaš hámiid min dáiddamáilmmis ja hápmenuppástusaid, main sámi dáidda duddjo ođđalágan oliid. Dasa lassin jáhkán, ahte máilmmi dálá dilit ja iešguđetlágan máilmmiloahpat váikkuhit sámi dáidagii seammá láhkai go dálkkádatrievdan, mii lea juo guhká birastahttán árktalaš guovllu, gávnnaha Suomenrinne.
SÁMIRÁĐI KULTURLÁVDEGODDI 2025–2026
AITOSAŠ LAHTUT
Lada Suomenrinne
Sámi filbmabargiid searvi
Magnus Anttaris Tuolja
Sámi Duodji - Sameslöjdstiftelsen
Arne Nerås Joma
Duodjeinstituhtta
Petra Laiti
Sámiráđđi
VÁRRELAHTUT
Áile Aikio
Sámi duodji rs
Sara Helén Persson
Álggugåhtie
Heaika Hætta
Sámi komponisttat
Vidar Andersen
Sámiráđđi
Lassedieđut:
Unna-Maari Pulska
Kulturčálli
unnamaari(at)saamicouncil.net
Lada Suomenrinne
Kulturlávdegotti ságajođiheaddji
lada.suomenrinne(at)gmail.com